నితిన్, కీర్తీల ‘రంగ్ దే’ నుంచి రంగులే వీడియో సాంగ్..

Posted: 03/24/2021 06:16 PM IST

Keerthy suresh and nithiin s rang de s rangule video song out now

టాలీవుడ్ యంగ్ హీరో నితిన్, అందాలనటి కీర్తి సురేశ్ జంటగా నటించిన ‘రంగ్ దే’ చిత్రం అప్ డేట్స్ ఈ మధ్యకాలంలో చకచకా అభిమానులకు చేరిపోతున్నాయి. ‘‘నా కళ్లలో ఒక నీలి రంగు పోంగనే.. అది నిన్ను చూసినప్పుడే.. నా చెంపలో కొత్త ఎరుపు రంగు పుట్టేనే.. నువ్వు నన్ను చూసినప్పుడే..’’ అంటూ సాగే ఈ పాట హీరోహీరోయిన్ల మధ్య ప్రయణానికి తొలిబాష్యం చెబుతున్నట్లుగా వుంది. ఈ గీతానికి దేవి శ్రీప్రసాద్ సంగీతం సమకూర్చగా, శ్రీమణి సాహిత్యం అందించారు. శ్వేతా మోహన్ హృద్యంగా ఆలపించారు.

ఈ పాటను సోషల్ మీడియాలో పంచుకుంది అదిత్య మ్యూజిక్. ఇప్పటికే ఈ సినిమాలోని పలు లిరికల్ సాంగ్స్ అభిమానులను ఆకట్టుకున్నాయి. పోస్టర్లు, టీజర్లు కూడా సినిమాపై భారీ హైప్‌ క్రియేట్‌ చేశాయి. మార్చి 26 న ఈ మూవీ ప్రేక్షకుల ముందుకు రాబోతున్న సంగతి తెలిసిందే. మరోవైపు చెక్ సినిమాతో బ్లాక్ బస్టర్ విజయాన్ని సొంతం చేసుకున్న నితిన్‌ ఈ సినిమా కూడా బంపర్‌హిట్‌ అనే అంచనాలతో ఉన్నారు. సితార ఎంటర్టయిన్ మెంట్స్ బ్యానర్ పై తెరకెక్కుతున్న రంగ్ దే చిత్రానికి వెంకీ అట్లూరి దర్శకుడు. పీడీవీ ప్రసాద్ సమర్పణలో సూర్యదేవర నాగవంశీ నిర్మిస్తున్నారు.