భర్త గౌతమ్ తో కలసి మాల్దీవుల్లో నటి కాజల్ అగర్వాల్..

Posted: 11/13/2020 10:45 PM IST

యావత్ భారత సినీ పరిశ్రమతో కోవిడ్ కారణంగా లాక్ డౌన్ తో మూతబడటంతో యంగ్ హీరోలు ఇంటివాళ్లు అయ్యారు. వీరే కాదు పలువురు హీరోయిన్లు కూడా ఏడడుగులు వేశారు. ఈ జాబితాలో చేరిపోయి.. తన భర్తతో కలసి హనీమూన్ ఎంజాయ్ చేస్తున్న అందాల చందమామ కాజల్ అగర్వాల్ ఒకరు. టాలీవుడ్ నుంచి దక్షిణాది ప్రేక్షకులను మెప్పించి వారిలో సుస్థిర స్థానాన్ని ఏర్పర్చుకున్న కాజల్.. ముంబైకి చెందిన ఓ యువ వ్యాపారవేత్తను పరిణయం అడింది. గత అక్టోబర్ నెల 30న ముంబైలో గౌతమ్ కిచ్లూని వివాహం చేసుకన్న ఈ బామ భర్తతో కలసి హనీమూన్ కు వెళ్లింది. అంతేకాదు అక్కడి ఫోటోలను నిత్యం అప్ డేట్ చేస్తూ తన అభిమానులకు అప్ డేట్ అందిస్తోంది.

ప్రస్తుతం మాల్దీవుల్లోని అందాలను ఆస్వాదిస్తున్న ఈ కొత్త జంట.. సముద్ర‌పు అందాల నడుమ భర్తతో కలిసి గడిపి, ఫొటోలు తీసుకుని తన సోషల్ మీడియా అకౌంట్ లో పోస్ట్ చేసింది. ముందుగా ప్లాన్ చేసుకున్నట్లుగా కాకుండా తన భర్తతో మరికోన్ని రోజుల పాటు ఏకాంతంగా గడిపేందుకు వీలుగా హనీమూన్ ను మరికొన్ని రోజుల పాటు ఎక్స్ టెండ్ చేసుకున్నారు. కాజల్ ప్రస్తుతం ఆచార్య సినిమాతో పాటు పారిస్ పారిస్, భార‌తీయుడు 2, ముంబై సాగా వంటి పలు సినిమాల్లో నటిస్తోంది. కరోనా కారణంగా విధించిన లాక్‌డౌన్‌ వల్ల సినిమా షూటింగులు బంద్ అయిన నేపథ్యంలో ఈ సమయాన్ని చక్కగా ఎంజాయ్ చేస్తోంది కాజల్. త్వరలోనే ఆమె తిరిగి షూటింగుల్లో పాల్గొననుంది.