ఎన్టీఆర్ కు చిరంజీవి ఘననివాళి.. ఏ స్వీట్ మెమరీ..

Posted: 05/29/2020 07:51 AM IST

టీడీపీ వ్యవస్థాపక అధ్యక్షుడు, విశ్వవిఖ్యాత నటసార్వభౌమ బిరుదాంకితుడు స్వర్గీయ నందమూరి తారక రామారావు 98వ జయంతిని పురస్కరించుకుని పలువురు చిత్రసీమకు చెందిన ప్రముఖులు, రాజకీయ నేతలు, నందమూరి కుటుంబసభ్యులు ఆయనకు ఘనంగా నివాళులు సమర్పించారు. నందమూరి కుటుంబసభ్యులు హైదరాబాద్‌ లోని ఎన్టీఆర్‌ ఘాట్‌ వద్ద ఘననివాళులు ఘటించారు. ఇక పలువురు సినీ ప్రముఖులు సోషల్‌ మీడియా వేదికగా ఆయనకు నివాళులర్పించారు. ఈ జాబితాలో మెగాస్టార్‌ చిరంజీవి కూడా స్వర్గీయ ఎన్టీఆర్ కి ఘనంగా నివాళులు అర్పించారు.

ఎన్టీఆర్ ను ఆయన జయంతి రోజున స్మరించుకుంటూ.. చిరంజీవి తన ట్విట్ఱర్ అకౌంట్లో తాజాగా ఓ పోస్టు పె్ట్టారు. ‘తెలుగు జాతి పౌరుషం, తెలుగు వారి ఆత్మగౌరవం.. తెలుగు నేల  గుండెల్లో  ఎన్నటికీ  చెదరని జ్ఞాపకం.. నందమూరి తారక రామారావుగారి కీర్తి అజరామరం.. వారితో కలిసి నటించడం నా అదృష్టం.. పుట్టినరోజునాడు ఆ మహానుభావుని స్మరించుకుంటూ..’ అంటూ ఎన్టీఆర్‌తో కలిసి దిగిన ఆనాటి ఫోటోను కూడా ట్విటర్‌లో షేర్‌ చేశారు. ఈ ఫోటో ఎన్టీఆర్ కు చిరంజీవి.. ఆ తరువాత చిరంజీవికి ఎన్టీఆర్ స్వీట్ తినిపిస్తున్న దృష్యాలు వున్నాయి. 1981లో చిరంజీవి, ఎన్టీఆర్ లు కలిసి ‘తిరుగులేని మనిషి’ అనే చిత్రంలో నటించిన విషయం తెలసిందే.

తెలుగు జాతి పౌరుషం, తెలుగు వారి ఆత్మగౌరవం
తెలుగు నేల గుండెల్లో ఎన్నటికీ చెదరని జ్ఞాపకం
నందమూరి తారక రామారావుగారి కీర్తి అజరామరం.
వారితో కలిసి నటించడం నా అదృష్టం.
పుట్టినరోజునాడు ఆ మహానుభావుని స్మరించుకుంటూ... pic.twitter.com/LgSKsItxdO

— Chiranjeevi Konidela (@KChiruTweets) May 28, 2020