ఇద్దరు న్యాచురల్ స్టార్స్ కలయికలో మరో చిత్రం..

Posted: 05/28/2020 12:52 AM IST

న్యాచుర‌ల్ స్టార్ నాని.. రాహుల్ సంకీర్తయన్ దర్శకత్వంలో నటించనున్న ఫిక్షన్ అండ్ ఫాంటసీ చిత్రం శ్యామ్ సింగ రాయ్. ఈ చిత్రంలో కథ డిమాండ్ మేరకు ముగ్గరు హీరోయిన్లు తీసుకోనున్నట్లు తెలుస్తోంది. అయితే కథలో ప్రాముఖ్యత ఉండటం.. అందుకు ఓ హీరోయిన్ బాగా చేయగలదనే నమ్మకంతో పాటు డిమాండ్ తో ఓ హీరోయిన్ పాత్ర వుందని, దానికి ఫిదా బ్యూటీ సాయి పల్లవే కరెక్టు అని చిత్ర బృందం కూడా ఫిక్స్ అయ్యిందని సమాచారం.

అయితే తగిన రీతిలో రోల్ ఉంటే ఛాలెంజింగ్ గా తీసుకుని నటించే హీరోయిన్ సహజ నటనతో ప్రక్షకులను మైమరపించే నటి సాయిపల్లవి. అమె సహజ నటనాభియనంతో తెలుగు ప్రేక్షకులు ఇప్పటికే ఫిదా అయ్యారు. పాత్రలో ప్రవేశించి మరీ అభినయంతో ఆకట్టుకుంటోంది. దీంతో అటు నానితో మరోమారు సాయిపల్లవి జతకట్టే అవకాశాలు మెండుగా వున్నాయని సినీవర్గాల టాక్. అయితే సాయిపల్లవి ఒకే అని కూడా తన సమ్మతం తెలిపిందని చిత్రపురిలో వార్తలు షికార్లు చేస్తున్నాయి.

అక్కినేని నాగచైతన్య ‘లవ్ స్టోరీ’ చిత్రం షూటింగ్ సమయంలో బిజీలో వుండగా వచ్చిన లాక్ డౌన్ తో ఇంటికే పరిమితమైన సాయిపల్లవి.. ఇటు రానా దగ్గుబాటితో ‘విరాటపర్వం’ సినిమాలో కూడా నటిస్తోంది. ఇదే క్రమంలో తాజాగా మరో చిత్రంలో కూడా నటించేందుకు సమ్మతం తెలిపిందని టాక్ వస్తోంది. ‘శ్యామ్ సింగ రాయ్’ చిత్రంలో నానితో ఆడిపాడునుందని.. ఈ మేరకు ఇప్పటికే చిత్రబృందం సాయిపల్లవితో టాక్స్ ముగించారని.. దీంతో అమె కూడా గ్రీన్ సిగ్నల్ ఇచ్చిందని తెలుస్తోంది.