రాజమౌళి తదుపరి చిత్రం రామాయణమైతే.. రాముడిలానే వుంటాడా.?

Posted: 05/28/2020 12:43 AM IST

అదరించే వాడు లేకపోతే ఏ కళకు ప్రోత్సాహం లేదు. అలాగే అభిమాని అంటూ లేని నాడు ఏ వ్యక్తి నటుడిగా ఎదగలేదు. నటుడిగా ఎదగలేని ఏ వ్యక్తి స్టార్ గా నిలువలేదు. ఇక స్టార్ గా ఎదిగిన తరువాత తన స్టార్ డమ్ ను కాపాడుకోవాల్సిన బాధ్యత కూడా నటులపై ఎప్పటికీ వుంటుంది. ప్రస్తుతం సినీ ప్రపంచపు హీరోలకు అభిమానులే పెద్ద బలం. హీరోలకు వారే కొండంత అండ. ఈ తరహా అభిమానం ఉంది కాబట్టే చిత్ర పరిశ్రమ, టెలివిజన్ పరిశ్రమలు రాణిస్తున్నాయి.

తమ అభిమాన సీరియల్ వస్తుందంటే చాలు ఎక్కడి పనులు అక్కడే పెట్టి.. ఎంచక్కా టీవీ అన్ చేసుకుని సీరియల్ చూస్తారు. ఇక తమ ఫేవరేట్ హీరో కొత్త సినిమా వస్తుందంటే చాలు.. ముందురోజు వెళ్లి ధీయేటర్లపైనే తమ అభిమానాన్ని చాటుకునేట్లుగా రంగురంగు కాయితాలతో ముస్తాబు చేస్తారు. ఇక మరికొందరు డిజిటల్ మీడియా ఫ్యాన్స్.. ఆ చిత్రంలో తమ హీరో లుక్ ఇలా వుంటే బాగుంటుందని, పోస్టర్ ఇలా వుంటే బాగుంటుందని అంచనాలతో క్రేజీగా ఫ్యాన్ మేడ్ పోస్టర్లను రూపోందిస్తుంటారు.

తాజాగా సూపర్ స్టార్ మ‌హేష్ బాబు అభిమాని కూడా అదే పంథాలో ఓ కొత్త పోస్టర్ విడుదల చేశాడు. మహేష్ బాబుని రాముడి గెటప్ లో రూపొందించిన ఈ పోస్టర్ నెట్టింట్లో వైరల్ గా చక్కర్లు కొడుతోంది. ఇక టాలీవుడ్ ప్రిన్స్ అభిమానులకు మాత్రం ఈ పోస్టర్ ఎంత నచ్చిందో మాటల్లో చెప్పనలవికాదు. సాదారణ ప్రేక్షకులకే విపరీతంగా నచ్చేసిన ఈ పోస్టర్ ను మహేష్ అభిమాని నెట్టింట్లో పెట్టడంతో అదికాస్తా అంతర్జాలంలో విపరీతంగా చక్కర్లు కోడుతోంది.

ఇంతకీ ఈ పోస్టర్ కు ఆజ్యం పోసిందేమిటీ అంటే.. జక్కన్నగా పేరొందిన ప్రముఖ దర్శకదిగ్గజం రాజమౌళి రణం, రౌద్రం, రుధిరం (ఆర్ఆర్ఆర్) చిత్రం తరువాత మ‌హేష్ బాబు హీరోగా ఓ చిత్రం చేస్తానని చెప్పిన విషయం తెలిసిందే. అయితే ఆ చిత్రం రామాయణం అని కూడా టాక్ వుంది. దీంతో ఈ విషయం తెలుసుకున్న మహేష్ అభిమాని.. రాజమౌళి `రామాయణం` శ్రీరాముడి గెటప్‌లో మహేష్ ఇలా ఉంటాడ‌ని ఊహిస్తూ ఒక పోస్టర్ ను రూపొందించాడు. ఈ ఫ్యాన్ మేడ్ పోస్టర్లో రాముడిగా మహేష్ గెట‌ప్ అదిరిపోయింది.