సుకుమార్ చిత్రంలో నాగశర్య సరసన రోమాంటిక్ నటి..

Posted: 03/16/2020 06:26 PM IST

ప్రయోగాత్మక కథలతో చిత్రాలను నిర్మించి.. రంగస్థలంతో ప్రేక్షకాధరణను ఓరేంజ్ లో సోంతం చేసుకున్న దర్శకుడు సుకుమార్. ఒక వైపున దర్శకుడిగా .. మరో వైపున నిర్మాతగా ఈ దర్శకుడు కొత్త ప్రయోగాలకు తెరతీస్తూ పయనిస్తున్నాడు. దర్శకుడిగా బన్నీ సినిమాను పట్టాలెక్కించిన ఆయన, త్వరలో నిర్మాతగా మరో సినిమాను సెట్స్ పైకి తీసుకెళుతున్నాడు. నాగశౌర్య కథానాయకుడిగా కాశీ విశాల్ దర్శకత్వంలో ఆయన ఒక సినిమా చేస్తున్నాడు.

విభిన్నమైన కథాకథనాలతో ఈ సినిమా రూపొందనుంది. ఈ సినిమాలో కథానాయికగా ఎవరైతే బాగుంటారా అనే విషయంలో కొన్ని రోజులుగా తర్జన భర్జనలు పడ్డారు. చివరికి కేతిక శర్మను కథానాయికగా ఎంపిక చేశారనేది తాజా సమాచారం. పూరి జగన్నాథ్ నిర్మాణంలో రూపొందుతున్న 'రొమాంటిక్' సినిమా ద్వారా కేతిక శర్మ పరిచయమవుతోంది. ఆ సినిమా ప్రేక్షకుల ముందుకు రాకమునుపే, ఆమె సుకుమార్ సినిమాలో ఛాన్స్ కొట్టేయడం విశేషం.