‘బాక్సర్’గా రంగంలోకి దిగిన మెగా ప్రిన్స్

Posted: 02/24/2020 06:49 PM IST

మెగా ప్రిన్స్ వరుణ్ తేజ్ ఎఫ్ 2, గద్దలకొండ గణేష్ తో రెండు వరుస హిట్లను తన ఖాతాలో వేసుకున్న తరువాత తాజాగా కిరణ్ కొర్రపాటి ఒక సినిమాలో నటిస్తున్నాడు. బాక్సార్ గా టైటిల్ ఫిక్స్ అయిన ఈ సినిమాలో వరుణ్ తేజ్ బాక్సర్ గా కనిపించనున్నాడు. ఇందుకోసం కొంతకాలంగా వరుణ్ తేజ్ బాక్సింగ్ లో శిక్షణ తీసుకున్నాడు. ఈ రోజున ఈ సినిమా షూటింగును మొదలెట్టనున్నారు. వైజాగులో ఈ సినిమా షూటింగును ఆరంభించనున్నారు. ఇప్పటికే వరుణ్ తేజ్ వైజాగ్ చేరుకున్నాడు.

షూటింగును మొదలెడుతూనే విడుదల తేదీని ఖరారు చేసేయడం విశేషం. జూలై 30వ తేదీన ఈ సినిమాను విడుదల చేయనున్నారు. అల్లు వెంకటేశ్ - సిద్ధూ ముద్ద కలిసి ఈ సినిమాను నిర్మిస్తున్నారు. తమన్ ఈ సినిమాకి సంగీత దర్శకుడిగా వ్యవహరిస్తున్నాడు. 35 కోట్ల బడ్జెట్ తో నిర్మితమవుతున్న ఈ సినిమాలో, వరుణ్ తేజ్ జోడీగా 'సయీ మంజ్రేకర్' కనిపించనుంది. తెలుగులో ఈమెకి ఇదే తొలి సినిమా కావడం విశేషం. ఈ సినిమాకి సంబంధించిన మిగతా వివరాలను త్వరలోనే తెలియజేస్తారు.

Back to sets!
Day 1 in vizag..
Need all your love!!#VT10 pic.twitter.com/3C35pZXqsE

— Varun Tej Konidela (@IAmVarunTej) February 24, 2020