‘‘ఇద్దరి లోకం ఒకటే’’ స్వచ్చమైన ప్రేమకథ..

Posted: 12/16/2019 07:22 PM IST

స్టార్ ప్రోడ్యూసర్ దిల్ రాజు సమర్పణలో రూపోందుతున్న చిత్రం `ఇద్దరి లోకం ఒకటే` క్రిస్మస్‌ కానుకగా ప్రేక్షకుల ముందుకురానుంది. ఈ నెల 25న విడుదలకు అన్ని సన్నాహాలు పూర్తి చేసుకున్న ఈ చిత్రానికి సెన్సార్ బోర్డు యూఏ సర్టిఫికేట్ జారీ చేసిన విషయం కూడా తెలిసిందే. యువకథానాయకుడు రాజ్‌ తరుణ్ హీరోగా జీఆర్ కృష్ణ దర్శకత్వంలో రూపొందుతోన్న ప్రేమకథా చిత్రం `ఇద్దరి లోకం ఒకటే`. ఈ చిత్రంలో అర్జున్ రెడ్డి హీరోయిన్ షాలిని పాండే రాజ్ తరుణ్ సరసన నటిస్తున్నారు.

దిల్‌రాజు సమర్పణలో శ్రీ వెంకటేశ్వర క్రియేషన్స్‌ బ్యానర్ పై శిరీష్‌ నిర్మాతగా రూపొందిస్తున్న ఈ చిత్రం ఇది ప్రేమ కథా చిత్రంగా రూపోందింది. ఈ సందర్భంగా హీరో రాజ్ తరుణ్ తన సినిమా గురించి పలు విషయాలను వెల్లడించారు. ఆయన మాట్లాడుతూ ``టర్కీష్ సినిమాను ఇన్‌స్పిరేషన్‌గా తీసుకుని `ఇద్దరి లోకం ఒకటే` సినిమాను రూపొందించారు. నేను మాతృకలో సినిమా చూశాను. నాకు బాగా నచ్చింది. తర్వాత స్క్రిప్ట్ విన్నాను. ఇదొక స్వచ్ఛమైన ప్రేమకథ. ఇందులో నా పాత్ర సెటిల్డ్ గా ఉంటుంది. షాలిని పాండే చాలా అద్భుతంగా నటించింది`` అన్నారు.