వసంతకాలంలో బధిరరాలుగా నయనతార భయపెడుతోంది..

Posted: 11/23/2019 08:51 PM IST

Vasanthakalam telugu trailer nayantara performance as dumb and deaf

లేడీ సూపర్ స్టార్ నయనతార నటించిన తమిళ సినిమా ‘కోలైయుతీర్ కాలమ్’.. ‘బిల్లా 2’ ఫేమ్ చక్రి తోలేటి డైరెక్ట్ చేసిన ఈ సినిమాలో భూమిక కీలక పాత్రలో నటిస్తోంది. సస్సెన్స్ హారర్ థ్రిల్లర్ అంశాలతో తెరెక్కిన ఈ సినిమాను తెలుగులో వసంత కాలం పేరుతో విడుద‌ల చేస్తున్నారు సినిమా యూనిట్. ఇందుకు సంబంధించి తమిళంలో విడుదల చేసిన ట్రైలర్ ను తెలుగు ఆడియన్స్ కోసం తెలుగులో విడుదల చేశారు. ఈ ట్రైలర్ కు ప్రేక్షకుల నుంచి మంచి రెస్పాన్స్ వచ్చింది.

ఈ చిత్రంలో నయనతార బధిర మహిళగా నటిస్తోందని సమాచారం. ఈ చిత్రంలో భూమిక, ప్రతాప్‌ పోతన్, రోహిణి హట్టంగడ్‌ ముఖ్య పాత్రల్లో నటించారు. తెలుగులో ఈ చిత్రాన్ని 5 క‌ల‌ర్స్ మీడియా ప‌తాకంపై నిర్మాత దామెర వి.ఎస్‌.ఎన్‌. శ్రీనివాస్‌ తెలుగులో విడుదల చేస్తున్నారు. ‘వసంత కాలం’ డబ్బింగ్‌ కార్యక్రమాలు పూర్తయ్యాయి. నవంబర్లో మూవీ రిలీజ్‌కి ప్లాన్‌ చేస్తున్నాం. తెలుగులోనూ ఈ సినిమా ఘన విజయం సాధిస్తుందనే నమ్మకం ఉంది’’ అని నిర్మాత ఆశాభావం వ్యక్తం చేశారు.