ఆసక్తిరేపుతున్న అనుష్క ‘నిశ్శబ్దం’ టీజర్

Posted: 11/06/2019 07:19 PM IST

అగ్ర కథానాయిక అనుష్క అభిమానులు ఎప్పుడెప్పుడా అని ఎదురుచూస్తున్న సమయం వచ్చేసింది. గురువారం ఆమె పుట్టినరోజును పురస్కరించుకుని బుధవారం సాయంత్రం ‘నిశ్శబ్దం’ సినిమా టీజర్‌ను విడుదల చేశారు. ఆద్యంతం ఆసక్తికరంగా ఈ సినిమా టీజర్‌ను రూపొందించారు. ఇందులో అనుష్క దివ్యాంగురాలిగా కనిపించారు. సస్పెన్స్‌ క్రైమ్‌ థ్రిల్లర్‌గా ఈ సినిమాను రూపొందించినట్లు తెలుస్తోంది. విహారయాత్ర పీడకలైందని టీజర్‌లో పేర్కొన్నారు.

హేమంత్ మధుకర్‌ ఈ సినిమాకు దర్శకత్వం వహిస్తున్నారు. మాధవన్‌, షాలినీ పాండే, అంజలి, సుబ్బరాజు తదితరులు కీలక పాత్రలు పోషిస్తున్నారు. పీపుల్‌ మీడియా ఫ్యాక్టరీ సంస్థతో కలిసి కోన వెంకట్‌ ఈ సినిమాను నిర్మిస్తున్నారు. త్వరలోనే ఈ సినిమా విడుదల కాబోతోంది. ‘భాగమతి’ హిట్‌ తర్వాత స్వీటీ నటిస్తున్న సినిమా ఇది.