మోగాస్టార్ చిరంజీవి ‘సైరా’ ప్రీ-రిలీజ్ బిజినెస్ ఎంతో తెలుసా.?

Posted: 09/12/2019 11:52 AM IST

తొలితరం స్వతంత్ర్య సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారాంగా.. మెగాస్టార్ చిరంజీవి నటించిన 151 వ సినిమా సైరా అక్టోబర్ 2 న ప్రపంచవ్యాప్తంగా రిలీజ్ అవుతుంది. తన తండ్రికి చిరకాలం గుర్తుండిపోయే, ఒక గర్వకారణమయిన గిఫ్ట్ అందించాలని బడ్జెట్ విషయంలో వెనుకాడకుండా, క్వాలిటీ విషయంలో కాంప్రమైజ్ కాకుండా 'సైరా'ని నిర్మించాడు. షూటింగ్ పూర్తయిపోయి చాలాకాలం అయినా కూడా టీమ్‌ని టెన్షన్ పెట్టకుండా పోస్ట్‌ప్రొడక్షన్ కి చాలా టైమ్ ఇచ్చాడు.

ఇప్పుడు అంతా ఓకే అనుకుని సైరాని రిలీజ్‌కి రెడీ చేశారు. అయితే ఈ సినిమా బడ్జెట్ 250 కోట్లు అనేది అఫీషియల్‌గా బయటకు వచ్చింది. కానీ లేటెస్ట్ టాక్ ఏంటంటే ఇప్పడు అన్నీ లెక్కలు కడితే ఏకంగా 300 కోట్లవరకు ఖర్చు తేలుతుంది అంటున్నారు. అయినా కూడా రామ్‌చరణ్ కాస్త లిబరల్ రేట్లకే ఈ సినిమాని అమ్ముతున్నాడు. సినిమా మీద నమ్మకం ఉండడంతో అవుట్‌రేట్ బేసిస్ మీద కాకుండా నాన్‌రిటర్నబుల్ అడ్వాన్సులమీదే సినిమా ఇస్తున్నారు.

సైరా ఓవర్సీస్ రైట్స్‌ని రామ్ చరణ్ ఫైనల్‌గా 18 కోట్లకు సినిమా విక్రయించారు. మెగాస్టార్ స్టామినాకి, అక్కడ ఈ సినిమాకి ఉన్న హైప్‌కి ఈ అమౌంట్ రికవర్ చెయ్యడం చాలా ఈజీ. ఈ రేంజ్ సినిమాకి ఆ రేటు చాలా సేఫ్ బెట్. హిట్ టాక్ వస్తే వసూళ్ల వరద మామూలుగా ఉండదు. రెగ్యులర్ కమర్షియల్ సినిమా అయిన ఖైదీ నంబర్ 150కే అక్కడ బాక్సాఫీస్ షేక్ అయ్యే రేంజ్‌లో కలెక్షన్స్ వచ్చాయి.సైరాకి ఏ రేంజ్ ఓపెనింగ్స్ ఉంటాయో అర్థం చేసుకోవచ్చు. తెలుగు రాష్ట్రాల్లో కూడ సైరా బిజినెస్ డీల్స్ పూర్తయ్యాయి. డీల్ వివరాల్లోకి వెళ్తే..

ఏరియాల వారిగా సైరా బిజినెస్

నైజాం 30 కోట్లు (తిరిగి చెల్లించబడని అడ్డాన్స్)
ఉత్తరాంధ్ర 14.40 కోట్లు (తిరిగి చెల్లించబడని అడ్డాన్స్)
గుంటూరు 11.50 కోట్లు (తిరిగి చెల్లించబడని అడ్డాన్స్)
సీడెడ్ 20 కోట్లు (తిరిగి చెల్లించబడని అడ్డాన్స్)
ఈస్ట్ 10.40 కోట్లు (తిరిగి చెల్లించబడని అడ్డాన్స్)+ రికవరబుల్ అడ్వాన్స్ 60 లక్షలు)
వెస్ట్ 9 కోట్లు (తిరిగి చెల్లించబడని అడ్డాన్స్ + రికవరబుల్ అడ్వాన్స్ 60 లక్షలు)
కృష్ణా 9.6 కోట్లు (తిరిగి చెల్లించబడని అడ్డాన్స్ + రికవరబుల్ అడ్వాన్స్ 60 లక్షలు)
నెల్లూరు 5.2 కోట్లు (తిరిగి చెల్లించబడని అడ్డాన్స్ + రికవరబుల్ అడ్వాన్స్ 40 లక్షలు)
మొత్తం 110.10 కోట్లు (ఏపీ + తెలంగాణ)
ఓవర్సీస్ 18 కోట్లు