మహేశ్‌ బర్త్‌డే: అభిమానులకు సర్‌ప్రైజ్‌

Posted: 08/09/2019 12:52 PM IST

Sarileru neekevvaru intro mahesh s perfect birthday gift

సూపర్‌ స్టార్‌ మహేష్‌ బాబు పుట్టిన రోజు సందర్భంగా సరిలేరు నీకెవ్వరు చిత్ర బృందం అభిమానులను ఓ కానుకను అందజేసింది. ఈ చిత్రానికి సంబంధించి మహేష్‌ బాబు లుక్‌ను ది ఇంట్రో పేరుతో శుక్రవారం విడుదల చేశారు. ఆర్మీ మేయర్‌ లుక్‌లో మహేశ్‌ చాలా స్టైలిష్‌గా ఉన్నాడు.

అనిల్‌ రావిపూడి దర్శకత్వం వహిస్తున్న ఈ చిత్రంలో మహేష్‌ సరసన రష్మిక మందన్న హీరోయిన్‌గా నటిస్తున్నారు. ప్రముఖ నటి విజయశాంతి ఈ చిత్రంతో రీ ఎంట్రీ ఇస్తున్నారు. ‘దిల్‌’ రాజు, రామబ్రహ్మం సుంకర, మహేశ్‌ బాబు నిర్మిస్తున్న ఈ సినిమాకు దేవిశ్రీ ప్రసాద్‌ సంగీతం అందిస్తున్నారు.ఈ సినిమాను 2020 సంక్రాంతి కానుకగా ప్రేక్షకులు ముందుకు తీసుకురానున్నట్టు చిత్ర బృందం ఇదివరకే ప్రకటించింది.