జోరు తగ్గిన పూరి, రామ్ ల ఇస్మార్ట్ శంకర్

Posted: 08/01/2019 08:31 PM IST

ప్రముఖ దర్శకుడు పూరి జగన్నాథ్.. యంగ్ హీరో రామ్ పోతినేనితో కలసి తన మార్కు మాస్ సినిమా ‘ఇస్మార్ట్ శంకర్’ను రూపొందించడంతో అది కాస్తా బాక్సాఫీసు వద్ద కలెక్షన్ల వరదను రాబట్టిన విషయం తెలిసిందే. ఈ నెల 18వ తేదీన విడుదలైన ఈ సినిమా బాక్సాఫీసు వద్ద పెద్ద సవ్వడే చేసింది. విడుదలైన ప్రతి ప్రాంతంలోను ఈ సినిమా తన జోరును కొనసాగించింది.

రామ్ మాస్ డైలాగ్స్ .. మాస్ బీట్స్ .. హీరోయిన్స్ గ్లామర్ ఈ సినిమా వసూళ్లలో ప్రధానమైన పాత్రను వహిస్తున్నాయి. ఇక దీనికి తోడు పూరి మాస్ డైలాగులు .. రామ్ నటన - డాన్స్ .. మణిశర్మ మ్యూజిక్.. నభా - నిధి గ్లామర్ ఈ స్థాయి వసూళ్లకు కారణమంటున్నారు. దీంతో ఈ సినిమా విడుదలైన 9 రోజుల్లో ప్రపంచవ్యాప్తంగా 63 కోట్ల గ్రాస్ ను సాధించింది.

అయితే తొమ్మిది రోజుల వరకు జోరు కొనసాగించిన ఈ చిత్రం పదో రోజు నుంచి తన దూకుడు తగ్గించుకుంది. విజయ్ దేవరకొండ నటించిన డియర్ కామ్రేడ్ చిత్రం విడుదల కావడం కూడా అందుకు కారణంగా కావచ్చు. మొత్తానికి పక్షం రోజుల తరువాత ఇస్మార్ట్ శంకర్ చిత్రం మొత్తంగా రూ.70 కోట్ల గ్రాస్ ను ప్రపంచవ్యాప్తంగా రాబట్టింది.