నెట్టింట్లో దూసుకుపోతున్న నాని ‘జెర్సీ’ ట్రైలర్

Posted: 04/13/2019 02:54 PM IST

Theatrical trailer of nani jersey crossed 4 million views in 24 hours

విభిన్నమైన కధలను ఎంచుకుని మరీ వాటిలో తన సత్తా చూపించే న్యాచురల్ స్టార్ నాని అలాంటి మరో కథతో ఈ నెల 19న ప్రేక్షకుల ముందుకు రానున్నాడు. ఇంతకుమునుపెన్నడూ తెరపై క్రికెటర్ గా కనిపించని నాని.. అటువంటి కథతో ప్రేక్షకుల ముందుకు వస్తున్నాడు. అలా ఆయనను తెరపైకి తీసుకొచ్చిన చిత్రమే 'జెర్సీ'. గౌతమ్ తిన్ననూరి దర్శకత్వం వహించిన ఈ సినిమాలో, నాని సరసన నాయికగా శ్రద్ధా శ్రీనాథ్ నటించింది. ఈ నెల 19వ తేదీన ఈ సినిమాను విడుదల చేయనున్నారు. ఈ నేపథ్యంలో ఈ సినిమా నుంచి నిన్న ఒక ట్రైలర్ ను రిలీజ్ చేశారు.

ప్రేమ.. ఆశయం.. నిరాశలో ఉన్నప్పుడు నిరాదరణ.. పట్టుదలతో సాధించిన విజయం.. ఇలా రకరకాల కోణాలను టచ్ చేసే సన్నివేశాలపై కట్ చేసిన ఈ ట్రైలర్ అందరికీ బాగా కనెక్ట్ అయింది. ముఖ్యంగా భార్యాభర్తల మధ్య.. తండ్రీ కొడుకుల మధ్య ఎమోషన్స్ ట్రైలర్ కి మంచి మార్కులు పడేలా చేశాయి. ఈ కారణంగానే ఈ ట్రైలర్ ను వదిలిన 24 గంటల్లోనే 4 మిలియన్లకి పైగా వ్యూస్ వచ్చాయి. ట్రైలర్ ద్వారా సినిమాపై అంచనాలను పెంచడంలో టీమ్ సక్సెస్ అయిందనే చెప్పాలి. అనిరుధ్ ఈ సినిమాకి సంగీతాన్ని అందించిన సంగతి తెలిసిందే.