బిత్తిరి సత్తి నోట వేదాంతం.. మాట కాదు పాటే..!

Posted: 01/31/2019 10:26 PM IST

తెలంగాణ యాసలో తనదైన శైలిలో టీవీ చానళ్లలో, సినిమాల్లో పాప్యులర్ అయిన బిత్తిరి సత్తిలో తన యాసతో పాటు తన సైటర్లను కూడా బిత్తిరిగానే ప్రదర్శిస్తూ.. బిత్తిరి సత్తి అంటే ఠక్కున యావత్ తెలుగు ప్రేక్షకులు గుర్తుపట్టేలా ప్రత్యేకతను సంతరించుకున్నాడు. అయితే కేవలం టీవీ షోలు మాత్రమే కాకుండా.. అతనిలో మరో టాటెంట్ కూడా వుందండోయ్. అదేంటో మాకు తెలుసు.. సినిమాల్లో నటించే టాలెంటేగా.. అంటారా..

నటనే కాదు.. అతను హీరోగా తుపాకీ రాముడు అన్న చిత్రం కూడా రూపోందుతున్న విషయం తెలిసిందే. అతనిలో పాటలు పాడే టాలెంట్ కూడా ఉందండోయ్. తాజాగా జరిగిన 'దిక్సూచి' ఆడియో ఆవిష్కరణలో పాల్గొని, సినిమాలో తాను ఆలపించిన ఓ పాటను పాడిన బిత్తిరి సత్తి, ఆహూతులతో అదుర్స్ అనిపించాడు. పద్మనావ్ భరధ్వాజ్ రచించిన పాటకు రాచూరి నరసింహ రాజు స్వరకల్పన చేయగా, బిత్తిరి సత్తి పాడాడు.

"మట్టిలోన మట్టిరా దేహమన్నది... వీర్యము కణమై కడుపున పడుతూ, నెలనెల ఎదిగిన ఓ శిశువా... తనువే తొడిగి, భువిలో పడుతూ తెలియని పుట్టుక నీదికదా.. పూర్వజన్మాల స్మృతిని, మరిచిపోయావు మానవా... మాయనిన్నావరించి, నడక నేర్చావు మెల్లగా..." అంటూ సాగే పాటను సత్తి అద్భుత రీతిలో ఆలపించి, తనలో మరో నైపుణ్యం కూడా ఉందని నిరూపించాడు. బిత్తిరి సత్తి పాట పాడిన వీడియో ఇప్పుడు వైరల్ అవుతోంది. ఆలస్యమెందుకు మీరు వీక్షించండీ..