రాజమౌళి తనయుడి పెళ్లికి తరలివెళ్లిన తారలు..

Posted: 12/28/2018 08:26 PM IST

Rajamouli son karthikeya wedding bollywood tollywood stars in jaipur

తెలుగు చలనచిత్ర ఖ్యాతిని అంతర్జాతీయ స్థాయికి తీసుకెళ్లిన దర్శక ధీరుడు రాజమౌళి ఇంట పెళ్లి సందడి మొదలైంది. రాజమౌళి తనయుడు కార్తికేయ వివాహం జైపూర్ లో ఘనంగా జరగనుంది. తాను ప్రేమించిన పూజా ప్రసాద్‌ను పెళ్లి చేసుకుంటున్నాడు కార్తికేయ. వీరి కళ్యాణానికి రాజస్థాన్ లోని జైపూర్ వేదికకు అందించనుంది. దీనికి టాలీవుడ్ నుంచే కాకుండా బాలీవుడ్ ప్రముఖులు, రాజకీయ ప్రముఖులు కూడా హాజరవుతున్నారు.

హీరో నుంచి ప్రతినాయకుడిగా మారిన నటుడు జగపతిబాబు అన్నయ్య కూతురు పూజా ప్రసాద్ తో వివాహం జరగనుంది. ఈ సందర్భంగా రాజమౌళి కుటుంబం ఇప్పటికే జైపూర్ కు చేరుకోగా.. ఇవాళ ఉదయం నుంచి అతిథులు ఒకరొకరుగా చేరుకుంటున్నారు. మూడు రోజుల పాటు పెళ్లి వేడుకకు టాలీవుడ్ హీరోలు, రాజమౌళితో సన్నిహితంగా ఉండే స్నేహితులు అంతా జైపూర్ వెళ్లిపోయారు. అక్కడే పార్టీలు చేసుకుంటున్నారు. ప్రస్తుతం వీళ్ళ హంగామా సోషల్ మీడియాను ఊపేస్తుంది.

ఇవాళ వెల్‌కమ్ డిన్నర్‌తో మొదలై.. డిసెంబర్ 29న మెహెంది, సంగీత్, డిసెంబర్ 30న వివాహం జరగనున్నట్లు తెలిసింది. అంగరంగ వైభవంగా జరగనున్న ఈ వేడుకకు 300 మందికి పైగా అతిథులు హాజరుకానున్నట్లు సమాచారం. ప్రభాస్, అనుష్క శెట్టి, సుస్మితా సేన్‌తో పాటు టాలీవుడ్, బాలీవుడ్‌కు చెందిన ప్రముఖ నటులు, బడా నిర్మాతలు, దర్శకులు ఈ పెళ్లికి హాజరుకానున్నారు.