‘ముద్ర’ కోసం శ్రిమించిన హీరో నిఖిల్

Posted: 10/12/2018 07:46 PM IST

టాలీవుడ్ యంగ్ హీరో నిఖిల్ నటిస్తున్న తాజా చిత్రంగా 'ముద్ర' ముగింపు దశకు చేరుకుందని, త్వరలోనే ఈ చిత్రానికి పోస్టు ప్రోడక్షన్ పనులు నిర్వహించి గుమ్మడికాయ కోట్టేస్తారని కూడా తెలుస్తుంది. టి.ఎన్. సంతోష్ దర్శకత్వం వహిస్తోన్న ఈ సినిమా ఇప్పటికే చాలావరకూ చిత్రీకరణను జరుపుకుంది. ప్రస్తుతం క్లైమాక్స్ సన్నివేశాలను చిత్రీకరిస్తున్నారు. ఈ సినిమా షూటింగుతో పాటు డబ్బింగ్ కార్యక్రమాలను కూడా పూర్తి చేస్తూ వస్తున్నారని సినీవర్గాల టాక్.

ఈ చిత్రంలో అందాల రాక్షసి లావణ్య త్రిపాఠి కథానాయికగా నటిస్తోంది. ఈ చిత్రాన్ని వచ్చే నెల అంటే నవంబర్ 8వ తేదీన విడుదల చేయనున్నారు. విభిన్నమైన కథాంశంతో రూపొందుతోన్న ఈ సినిమాలో నిఖిల్ కొత్త లుక్ తో కనిపించనున్నాడు. ఈ సినిమా తనకి తప్పకుండా హిట్ ఇస్తుందనే నమ్మకంతో నిఖిల్ వున్నాడు. ఇక ఈ మధ్య రేస్ లో లావణ్య త్రిపాఠి కాస్త వెనుకబడిపోయింది. అందువలన ఆమె కూడా ఈ సినిమా హిట్ తనకి చాలా అవసరమని భావిస్తోంది. మరి వాళ్లు ఆశించిన ఫలితాన్ని ఈ సినిమా అందిస్తుందో లేదో చూడాలి.