ఎనర్జిటిక్ హీరో రామ్.. ప్రకాష్ రాజ్ పాటేశారు.!

Posted: 09/26/2018 07:01 PM IST

Hero ram turns singer for hello guru prema kosame

రామ్ హీరోగా నక్కిన త్రినాథరావు దర్శకత్వంలో రూపొందిన 'హలో గురు ప్రేమకోసమే' సినిమా, అక్టోబర్ 18వ తేదీన ప్రేక్షకుల ముందుకు రానుంది. అనుపమ పరమేశ్వరన్.. ప్రణీత కథానాయికలుగా నటించిన ఈ సినిమాలో రామ్ ఒక హుషారైన పాటను పాడినట్టుగా తెలుస్తోంది. తెరపై రామ్ చాలా హుషారుగా ఉంటాడు .. తాను తెరపై కనపడుతున్నంతసేపు ప్రేక్షకులకి ఎంతమాత్రం బోర్ కొట్టకుండా చూసుకుంటాడు.

అలాంటి రామ్ తో ఈ సినిమాలో దేవిశ్రీ ప్రసాద్ ఒక పాట పాడించాడట. ఈ పాటను రామ్ తో పాడిస్తేనే బాగుంటుందని భావించిన దేవిశ్రీ, రామ్ ను ఒప్పించి పాడించాడట. రికార్డింగ్ కూడా అయిపోయిందనీ .. పాట చాలా బాగా వచ్చిందని అంటున్నారు. ఈ పాటకు మంచి మార్కులు పడితే .. ఎన్టీఆర్ మాదిరిగానే అడపాదడపా రామ్ తన గొంతును సవరించుకునే అవకాశం వుంది. ఈ సినిమా తనకి తప్పకుండా హిట్ తెచ్చిపెడుతుందనే నమ్మకంతో రామ్ వున్నాడు.