’హ్యాపీ వెడ్డింగ్’ టీమ్ కు బాహుబలి గుడ్ లక్

Posted: 06/30/2018 03:57 PM IST

మెగా సినీవారసురాలిగా సినీ పరిశ్రమలోకి ఎంట్రిఇచ్చిన కొణిదెల నిహారిక ఒక్కమనసు చిత్రంతో ప్రేక్షకుల ముందుకు వచ్చిన విషయం తెలిసిందే. తాజాగా అమె నటించిన తన రెండో చిత్రం మాత్రం అభిమానుల్లో అసక్తిని కలిగిస్తూ అంచనాలను పెంచుతున్నాయి. హీరోయిన్ గా గుర్తింపుతో పాటు తన అభినయంతో ప్రేక్షకులలో నూటికి నూరుమార్కులు వేయించుకునే ప్రయత్నంలో వున్న నిహారిక.. హ్యాపీ వెడ్డింగ్ చిత్ర ప్రమోషన్ వీడియోలోనే తన హావభావాలను ప్రదర్శించి అకట్టుకున్నారు.

కాగా, తాజాగా ఆమె నటిస్తున్న చిత్రం ట్రైయిలర్ విడుదలైంది. ఈ ట్రైలర్ తో అమె తన నటనను పండించినట్టే కనిపించింది. ఫీల్ గుడ్ ఫ్యామిటీ ఎంటర్ టైనర్ గా వస్తున్న హ్యాఫీ వెడ్డింగ్ చిత్రంలో ఎమెషనల్ డ్రామాతో కూడకున్నట్లు వుంది. మీ మాగాళ్లంతా ఇంతేనా.. నేను కన్ఫామ్ చేయగానే మీలో ఎందుకంత మార్పు అంటూ అమె ప్రశ్నించిన విధానం.. హీరోతో డాన్స్ కోసం చేయిపట్టుకున్నాక కూడా వదిలేసి అవేదనతో వెళ్లిపోవడం.. అంతా అమెను పరిపూర్ణ నటిగా మార్చినట్లుగా వుంది. ఇక మోగా వారసురాలిగా ఎంట్రీ ఇచ్చినా.. తన నటనలో మాత్రం పూర్తి పరిపక్వత కనబర్చి.. తన సొంత ఇమేజ్ ను క్రియేట్ చేసుకునేందుకు కష్టపడిందనే చెప్పాలి.

నిర్మాత ఎంఎస్‌ రాజు తనయుడు సుమంత్ అశ్విన్‌ హీరోగా తెరకెక్కుతున్న ఈ సినిమాకు లక్ష్మణ్ కర్య దర్శకుడు. యువీ క్రియేషన్స్, పాకెట్ సినిమా సంస్థలు సంయుక్తంగా నిర్మిస్తున్న ఈ సినిమా ప్రమోషన్‌ కార్యక్రమాలు వినూత్నంగా నిర్వహిస్తున్నారు. ఇటీవల ఓ డిఫరెంట్ వీడియోతో నిహారిక ఆకట్టుకోగా చిత్ర  ట్రైలర్‌ను యంగ్‌ రెబల్‌ స్టార్‌ ప్రభాస్‌ తన సోషల్‌ మీడియా పేజ్‌ ద్వారా రిలీజ్‌ చేశారు. ఫిదా ఫేం శక్తికాంత్‌ సంగీతమందిస్తున్న ఈ సినిమాకు తమన్‌ బ్యాక్‌ గ్రౌండ్‌ స్కోర్‌ అందిస్తున్నారు.