అభినేత్రిని వరించిన జాతీయ ఫిల్మ్ అవార్డు.. జాబితా ఇదే..

Posted: 04/13/2018 02:58 PM IST

కళాభినేత్రి శ్రీదేవి మరోమారు రీ ఎంట్రీ ఇచ్చిన చిత్రం మామ్. ఈ జగదేకసుందరి అభిమానులను వదిలి వెళ్లినా,. అమెకు అభినయానికి మాత్రం అవార్డులు అందుతూనే వున్నాయి. తాజాగా ఢిల్లీలో ఇవాళ మధ్యాహ్నం ప్రకటించిన 65వ జాతీయ ఉత్తమ చలనచిత్ర అవార్డుల జాబితాలో కూడా అమెను అవార్డులు వరించాయి. ఢిల్లీలోని శాస్త్రీ భవన్ లో ఈ అవార్డును అధికారికంగా ప్రకటించారు. జ్యూరీకి నాయకత్వం వహిస్తున్న విభిన్న దర్శకుడు శేఖర్ కపూర్ ఈ అవార్డులను ప్రకటించారు.

2017లో విడుదలైన తెలుగు, తమిళం, హిందీ, కన్నడ, మలయాళంలో వచ్చిన అద్భుతమైన చిత్రాలను పరిగణనలోకి తీసుకుని అవార్డు విజేతలను ప్రకటించారు. జాతీయ అవార్డుల జ్యూరీ సభ్యులుగా ప్రముఖ నటి గౌతమి, ఇంతియాజ్ హుస్సేన్‌, గేయ రచయిత మెహబూబ్‌, పి.శేషాద్రి, అనిరుద్ధా రాయ్ చౌదరి, రంజిత్‌ దాస్‌, రాజేశ్ మపుస్కర్‌, త్రిపురారి శర్మ, రూమీ జఫ్రే ఉన్నారు. మే3న విజేతలకు అవార్డులు ప్రదానం చేస్తారు.

జాతీయ చలన చిత్ర అవార్డుల్లో తెలుగు చిత్రాలకూ స్థానం దక్కింది. యువ దర్శకుడు సంకల్ప్ రెడ్డి తెరకెక్కిన ఘాజీ చిత్రానికి ఉత్తమ తెలుగు చిత్రంగా అవార్డు దక్కింది. బాహుబలి రెండో భాగానికి మూడు అవార్డులు దక్కాయి. బాహుబలి యాక్షన్ డైరెక్టర్‌కు బెస్ట్ యాక్షన్ డైరెక్టర్‌గా జ్యూరీ అవార్డు దక్కింది. బాహుబలి కంక్లూజన్‌కు బెస్ట్ స్పెషల్ ఎఫెక్ట్స్ కేటగిరిలో కూడా చోటు దక్కింది. ఉత్తమ ప్రజాదరణ పొందిన చిత్రంగా కూడా బాహుబలి2 సత్తా చాటింది. జాతీయ అవార్డును సొంతం చేసుకున్న చలనచిత్రాలు ఇవే...