ఛీటింగ్ కేసు.. నటి సింధూ మీనన్, సోదరుడిపై కేసు నమోదు

Posted: 03/14/2018 10:26 AM IST

నటి సింధూ మీనన్ చుట్టూ ఉచ్చు బిగుస్తోంది. ఓ బ్యాంకును మోసం చేసిందన్న ఆరోపణలపై కర్ణాటకలో పోలీసులు కేసు నమోదు చేసిన విషయం తెలిసిందే. తాజాగా ఆమె సోదరుడు మనోజ్ పై కూడా యశ్వంత్ పూర్ పోలీసులు కేసు ఫైల్ చేశారు.

మనోజ్ కార్తీ, సింధు, మరో ఇద్దరు కలసి గణేశ్ రావు అనే వ్యక్తికి చెందిన భవనాన్ని లీజ్ కు తీసుకున్నారు. అయితే ఆ భవనాన్ని తమదిగా చూపి ఆర్ఎంసీ యార్డ్ పరిధిలోని బ్యాంకు ఆఫ్ బరోడా నుంచి రుణం తీసుకోవాలన్న ఉద్దేశంతో నకిలీ పత్రాలను సృష్టించారు.

అయితే, ఈ విషయాన్ని ముందుగానే గుర్తించిన భవన యజమాని పోలీసులను ఆశ్రయించటంతో వెలుగులోకి వచ్చింది. దీంతో రంగంలోకి దిగిన పోలీసులు సింధుపై తొలుత, ఆపై ఆమె సోదరుడిపై కేసు పెట్టారు. ఈ కేసులో పక్కా ఆధారాలు ఉండటంతో ఇప్పుడు ఆమెకు కష్టాలు తప్పేలా కనిపించటం లేదు.