శ్రీదేవి బయోపిక్ ఉండదు : వర్మ

Posted: 03/03/2018 12:39 PM IST

తన అభిమాన నటి శ్రీదేవిపై ప్రముఖ దర్శకుడు రామ్ గోపాల్ వర్మ ఓ సినిమా తీస్తున్నారంటూ వార్తలు వస్తున్న క్రమంలో రామ్ గోపాల్ వర్మ స్పందించాడు. అదంతా ఉత్త వార్తలే అని వర్మ స్వయంగా ఖండించారు. ఈ మేరకు తన ట్విట్టర్ పేజీలో తాజా ట్వీట్ తో ఆ వార్తలకు చెక్ పెట్టారు.

‘‘శ్రీదేవి జీవిత చరిత్రపై నేను ఒక సినిమా తీస్తున్నానంటూ మీడియాలో ఓ వర్గం పేర్కొన్నదంతా అవాస్తవం. ఈ విధమైన ప్రయత్నం చేయడం కూడా మూర్ఖత్వమే అవుతుందని నేను భావిస్తున్నాను. ఎందుకంటే శ్రీదేవి పాత్రను పోషించే నటీమణి ఎక్కడా లేదు’’ అని వర్మ తన ట్వీట్ లో స్పష్టం చేశారు.

కాగా, శ్రీదేవి హఠాన్మరణం తర్వాత భావోద్వేగానికి లోనై వర్మ నాటి నుంచి పోస్టులు పెడుతూ వస్తున్న సంగతి తెలిసిందే.

 

Sections of media reporting I am making a biopic on sridevi is untrue ..I believe it’s foolish to attempt also because there cannot be any actress who’s remotely worthy enough to play her

— Ram Gopal Varma (@RGVzoomin) March 3, 2018