వివాదంలో బుల్లితెర నటి వివాహం

Posted: 02/24/2018 04:51 PM IST

బుల్లితెర నటి దీపికా కకార్ వివాహం బాలీవుడ్ లో చర్చనీయాంశంగా మారింది. 'ససురాల్ సిమర్ కా' సీరియల్ తో పేరు తెచ్చుకున్న బుల్లితెర నటి దీపికా కకార్. ఆమె గత కొంతకాలంగా ఓ ముస్లిం యువకుడితో ప్రేమలో ఉంది. ఈ జంటను ‘షోయికా’అని వ్యవహరిస్తుంటారు కూడా.

చివరకు పెద్దలను ఒప్పించిన ఈ జంట తాజాగా వివాహం చేసుకుంది. అయిన తన మతం మార్చుకుని మరీ దీపిక.. షోయబ్ ఇబ్రహీంను పెళ్లాడటం వివాదాస్పదం అయింది. తన పేరును ఫైజ్ గా మార్చుకున్న దీపిక, యూపీలో ఇబ్రహీంను నిఖా చేసుకుంది. ఆపై 26వ తేదీన ముంబైలో బాలీవుడ్, టీవీ ఫ్రెండ్స్ కోసం రిసెప్షన్ ఇవ్వనున్నట్టు తెలిపింది.

అయితే దీనిపై సోషల్ మీడియాలో తీవ్ర దుమారం రేగుతోంది. ఆమె మతం మార్చుకోవడం ఎందుకని పలువురు ప్రశ్నిస్తుండగా, షోయబ్ స్పందిస్తూ, కేవలం పెళ్లి కార్డుపై మాత్రమే ఫైజా అని పేర్కొన్నామని, ఆమె ఇకపై దీపికా ఇబ్రహీంగానే ఉంటుందని చెప్పడం గమనార్హం.