బాలీవుడ్ లో రెజీనాకు ఛాన్స్

Posted: 02/20/2018 04:29 PM IST

తెలుగులో రెజీనాకి మంచి క్రేజ్ వుంది. నటిగా కూడా ఆమెకు మంచి మార్కులు వేయొచ్చు. అయితే ఆ క్రేజ్ ను పెంచే సినిమాలు వెంటవెంటనే పడకపోవడంతో ఆమె కెరియర్ కాస్త మందగించింది. చేసిన చిత్రాలు ఫెయిల్యూర్స్ కావటం.. తమిళ్ లో కూడా పెద్దగా అవకాశాలు రాకపోవటంతో ఆ మధ్య బాలీవుడ్ వైపు చూసింది.

ఆ మధ్య ఆమెకి ఏకంగా అమితాబ్ బచ్చన్ సినిమాలో నటించే అవకాశం దక్కింది. 'ఆంఖేయిన్ 2' సినిమాలో ఛాన్స్ వచ్చింది. కానీ, కొన్ని కారణాల వలన ఆ సినిమా ఆగిపోయింది. దీంతో ఆమె నిరాశలోకి కూరుకుపోయింది. అయితే బాలీవుడ్ నుంచి ఇప్పుడు ఆమెకి మరో ఛాన్స్ తగిలింది.

సోనమ్ కపూర్, రాజ్ కుమార్ రావ్ .. అనిల్ కపూర్ .. జుహీ చావ్లా ప్రధానమైన పాత్రలను పోషిస్తున్న 'ఏక్ లడ్కికో దేఖతో ఐసా లగా' సినిమాలో ఆమెకి అవకాశం దక్కింది. చాలామంది కథానాయికలకు ఆడిషన్స్ నిర్వహించిన దర్శకుడు షెల్లీ చోప్రధర్, రెజీనానే ఖరారు చేశాడట. అయితే అది గెస్ట్ రోల్ మాత్రమే అని తెలుస్తోంది. ఈ సినిమాతో అయినా తన కెరీర్ ను రెజీనా చక్కబెట్టుకుంటుందో చూడాలి.