ఎన్టీఆర్-త్రివిక్రమ్.. హీరోయిన్ కుదిరినట్లే!

Posted: 02/19/2018 05:43 PM IST

జై లవకుశ తర్వాత చాలా గ్యాప్ తీసుకుంటున్న ఎన్టీఆర్ కుటుంబం కోసం సమయం వెచ్చిచూస్తున్నాడు. అయితే వచ్చే నెల నుంచి తన తర్వాతి చిత్రం షూటింగ్ ప్రారంభించనున్నట్లు వార్తలు వస్తున్నాయి. మాటల మాంత్రికుడు త్రివిక్రమ్ శ్రీనివాస్ డైరెక్షన్ లో ఈ చిత్రం ఉండబోతుందన్న విషయం తెలిసిందే.

ఈ చిత్రం కోసం తీసుకున్న టెక్నీషియన్ల విషయంలో ఆ మధ్య కొన్ని వార్తలు రాగా.. ఇటు నిర్మాతలుగానీ, అటు దర్శకులుగానీ ఏ మాత్రం స్పందించలేదు. కానీ, ముందుగా ప్రచారం జరిగినట్టుగా ఈ సినిమాలో హీరోయిన్, మ్యూజిక్ డైరెక్టర్ విషయంలో మార్పులు చోటు చేసుకున్నట్లు స్పష్టత వచ్చేసింది. తాజాగా అందుతున్న సమాచారం ప్రకారం నాజూకు సుందరి పూజా హెగ్డే దాదాపు ఖరారైనట్లేనని తెలుస్తోంది.

యూనిట్ త్వరలోనే ఈ విషయాన్ని వెల్లడిచేయనున్నట్టు సమాచారం. హారిక అండ్ హాసిని సంస్థ వారు, ఈ సినిమా రెగ్యులర్ షూటింగును మార్చి రెండవ వారంలో ఆరంభించనున్నారు. ఇక ఈ సినిమాకి సంగీత దర్శకుడిగా థమన్ ను కూడా దాదాపు ఖరారు చేసింది. స్టోరీ విషయంలో కొన్నాళ్ల క్రితం కథనాలు వెలువడగా.. అవన్నీ అబద్ధాలే అని తేలిపోయింది.