నిఖిల్ మూవీలో ప్రియా వారియర్

Posted: 02/15/2018 04:01 PM IST

సోషల్ మీడియాలో ఇప్పుడు ప్రియా ప్రకాశ్ వారియర్ ఓ సెన్సేషన్ గా మారిపోయింది. ఒరు ఆధార్ లవ్ చిత్రంలోని ఒక్క పాట.. కాదు కాదు... అందులోని ఒక్క కంటి విరుపుతో ఇన్ స్టాగ్రామ్ ద్వారా వైరల్ అయిపోయింది. ఇప్పుడు ఏ మీడియా ఛానెళ్లను చూసినా దాదాపు.. ప్రియా ప్రకాశ్ వారియర్ గురించే మాట్లాడుకుంటున్నారు.

ఇప్పుడు ఈ బ్యూటీకి మలయాళంతో పాటు ఇటు ఇతర భాషల్లో కూడా ఆమె క్రేజ్ ఒక్కసారిగా పెరిగిపోయింది. టాలీవుడ్ .. బాలీవుడ్ నుంచి కూడా ఆమెకి అవకాశాలు క్యూ కడుతున్నాయట. నిఖిల్ .. తరుణ్ భాస్కర్ ఒక సినిమా చేయాలనుకుంటోన్న సంగతి తెలిసిందే. ఈ సినిమా కోసం ప్రియా ప్రకాశ్ ను సంప్రదించగా, ఆమె డేట్స్ చూస్తోన్న దర్శకుడు ఒమర్ లులు .. రెండు కోట్లు డిమాండ్ చేశాడట.

దీంతో కాస్త తగ్గించుకోవాలని చర్చలు జరుపుతున్నట్లు తెలుస్తోంది. ఇక ఈ అమ్మాయిని తమ సినిమాల కోసం మాట్లాడమని మరి కొంతమంది కుర్ర హీరోలు కూడా దర్శక నిర్మాతలపై ఒత్తిడి చేస్తున్నారనే టాక్ వినిపిస్తోంది.