త్రిషతో నాకేం గొడవలేదు : కీర్తి సురేష్

Posted: 02/05/2018 06:53 PM IST

కోలీవుడ్ లో స్టార్ హీరోయిన్లు త్రిష, కీర్తి సురేష్ మధ్య పచ్చగడ్డి వేస్తే భగ్గుమనే స్టేజీకి చేరుకుందంటూ కోలీవుడ్ లో వార్తలు గుప్పుమన్నాయి. విక్రమ్ హీరోగా హరి దర్శకత్వంలో 'సామి' సీక్వెల్‌ 'సామి స్క్వేర్‌'ను తెరకెక్కిస్తున్న విషయం తెలిసిందే. ఈ చిత్ర మొదటి భాగంలో విక్రమ్ సరసన త్రిష నటించగా.. సీక్వెల్‌లో ఆమెతో పాటు కీర్తి సురేష్‌ను కూడా ఎంచుకున్నాడు దర్శకుడు.

అయితే ఏమైందో తెలీదు కానీ ఈ ప్రాజెక్ట్‌ నుంచి బయటకు వచ్చేసింది త్రిష. అయితే త్రిష అలా బయటకు రావడానికి కీర్తి సురేష్ కారణమని పలు వార్తలు వచ్చాయి. దాంతో తాజాగా వాటిపై స్పందించింది కీర్తి. ఈ సినిమాలో త్రిషతో తనకు ఒక్క సీన్ కూడా లేదని.. ఈ సినిమా నుంచి ఆమె వెళ్లిపోయినందుకు, తనకు సంబంధం లేదని చెప్పింది. ఇలాంటి విషయాల్లో తాను ఎప్పుడూ జోక్యం చేసుకోనని.. ఆమె తప్పుకున్నందుకు కారణం కూడా తెలీదని పేర్కొంది.

మరోవైపు ఈ ప్రాజెక్ట్ నుంచి తప్పుకున్న విషయాన్ని సోషల్ మీడియాలో తెలిపిన త్రిష.. "కొన్ని కారణాల వలనే ఇందులో నటించడం లేదని, టీంకు ఆల్ ది బెస్ట్" అంటూ కామెంట్ పెట్టింది. ఇప్పుడు కీర్తి క్లారిటీతో అదంతా ఉత్తదేనని తేలిపోయింది.