నాగ్-నాని మల్టీస్టారర్ కు మణిశర్మ మ్యూజిక్

Posted: 02/05/2018 04:36 PM IST

మణిశర్మ గత కొంత కాలంగా బడా చిత్రాలకు సంగీతం అందించటం మనం చూడట్లేదు. అయితే బ్యాక్ గ్రౌండ్ స్కోర్ తో మాత్రం ఆయన అదరగొడుతున్నారు. ఈ క్రమంలో ఆయన ఓ క్రేజీ మల్టీస్టారర్ కు సంగీతం అందించబోతున్నట్లు సమాచారం.

కింగ్ నాగార్జున‌, నేచుర‌ల్ స్టార్ నాని కాంబినేష‌న్‌లో ప్ర‌ముఖ నిర్మాత‌ సి.అశ్వినీద‌త్ ఓ మ‌ల్టీస్టార‌ర్ మూవీని నిర్మించ‌నున్న సంగ‌తి తెలిసిందే. శ్రీ‌రామ్ ఆదిత్య ద‌ర్శ‌క‌త్వంలో తెర‌కెక్క‌నున్న ఈ సినిమా.. ఫిబ్ర‌వ‌రి 24 నుంచి సెట్స్ పైకి వెళ్ళ‌నుంది.

ఇదిలా ఉంటే.. ఈ సినిమాకి సంగీత ద‌ర్శ‌కుడిగా మెలోడీ బ్ర‌హ్మ మ‌ణిశ‌ర్మ ఎంపిక‌య్యార‌ని తెలిసింది. అశ్వ‌నీద‌త్‌, నాగ్‌, నాని, శ్రీ‌రామ్ ఆదిత్య‌.. ఇలా ఈ న‌లుగురితోనూ గ‌తంలో మ‌ణిశ‌ర్మ ప‌నిచేయ‌డ‌మే కాకుండా.. విజ‌యాల‌ను కూడా అందించారు. కాగా, ఈ చిత్రానికి సంబంధించి ప్ర‌స్తుతం క‌థానాయిక‌ల ఎంపిక జ‌రుగుతోంది. నాని సరసన రకుల్, నివేదా థామస్ పేర్లు పరిశీలనలో ఉండగా, నాగ్ కోసం ఓ సీనియర్ నటి పేరు పరిశీలిస్తున్నట్లు తెలుస్తోంది.