వినాయక్-సాయి ధరమ్ తేజ్.. ఓ పనైపోయింది

Posted: 01/24/2018 07:05 PM IST

సాయిధరమ్ తేజ్ హీరోగా వినాయక్ ఒక సినిమాను తెరకెక్కిస్తోన్న సంగతి తెలిసిందే. ఇటీవలే ఈ సినిమాకి 'ఇంటిలిజెంట్' అనే టైటిల్ ను ఖరారు చేశారు. వినాయక్ మార్క్ కి .. సాయిధరమ్ తేజ్ బాడీ లాంగ్వేజ్ కి తగినట్టుగా ఈ సినిమా రూపొందిందని అంటున్నారు. ఈ సినిమాకి సంబంధించిన షూటింగ్ పార్టు నిన్నటితో పూర్తయింది.

సి.కల్యాణ్ నిర్మిస్తోన్న ఈ సినిమా, షూటింగ్ తో సమాంతరంగా పోస్ట్ ప్రొడక్షన్ పనులను జరుపుకుంటూ వస్తోంది. లావణ్య త్రిపాఠి కథానాయికగా నటించిన ఈ సినిమాను, ఫిబ్రవరి 9వ తేదీన విడుదల చేయనున్నారు. మాస్ యాక్షన్ ఎంటర్టైనర్ గా తెరకెక్కిన ఈ సినిమా తనకి తప్పకుండా హిట్ ను ఇస్తుందనే నమ్మకంతో సాయిధరమ్ తేజ్ వున్నాడు.

అయితే ఇదే రోజున వరుణ్ తేజ్ మూవీ 'తొలిప్రేమ' విడుదలవుతుండటం విశేషం. అయినప్పటకీ కంటెంట్ మీద నమ్మకంతో వినాయక్-సాయి ఉన్నారు.