శీనువైట్ల చిత్రంలో ఎన్నారైగా రవితేజ

Posted: 01/10/2018 03:06 PM IST

మాస్ రాజా రవితేజ ఈ ఏడాది బ్యాక్ టూ బ్యాక్ సినిమాలతో పలకరించబోతున్నాడు. ప్రస్తుతం విక్రమ్ సిరికొండ దర్శకత్వంలో 'టచ్ చేసి చూడు' సినిమా రాబోతోంది. ఇందులో రాశిఖన్నా .. సీరత్ కపూర్ కథానాయికలుగా నటిస్తున్నారు. సంక్రాంతికి రావాల్సిన ఈ చిత్రాన్ని ఫిబ్రవరి 2వ తేదీకి పోస్ట్ పోన్ చేశారు.

ఇక ఈ సినిమా తరువాత కళ్యాణ్ కృష్ణ దర్శకత్వంలో చేయడానికి రవితేజ రెడీ అవుతున్నాడు. ఇటీవలే పూజా కార్యక్రమాలు జరుపుకున్న ఈ సినిమా, త్వరలోనే రెగ్యులర్ షూటింగ్ కి సిద్ధమవుతోంది. ఈ ప్రాజెక్టు తరువాత ఫ్లాపులతో సతమతమవుతున్న శ్రీను వైట్లతో రవితేజ ఒక సినిమా చేయనున్నాడు. ఈ సినిమాలో ఆయన ఎన్నారైగా కనిపించనున్నాడని సమాచారం.

మాస్ ఆడియన్స్ ఆశించే అన్ని అంశాలను మేళవిస్తూనే ఈ ఎన్నారై పాత్రను వైట్ల డిజైన్ చేశాడని చెబుతున్నారు. ఫ్యామిలీ డ్రామాగా తెరకెక్కబోతున్న ఈ చిత్రంలో కొంతభాగం హైదరాబాద్ లో .. మరికొంత భాగం విదేశాల్లో చిత్రీకరించనున్నారట. త్వరలోనే ఈ ప్రాజెక్టుపై అధికారిక ప్రకటన వెలువడనుంది. మొత్తానికి ఈ ఏడాదిలో రవితేజ మూడు చిత్రాలతో పలకరించే అవకాశం ఉంది.