అజ్ఞాతవాసి షోల అనుమతికి నిరాకరణ.. అదే కారణమా?

Posted: 01/09/2018 03:23 PM IST

పవర్ స్టార్ పవన్ కళ్యాణ్ అజ్నాతవాసి చిత్రం విడుదల కోసం ప్రేక్షకులు ఎంతగానో నిరీక్షిస్తున్న వేళ తెలంగాణ ప్రభుత్వం స్పెషల్ షోలకు అనుమతి నిరాకరించటం అభిమానుల్లో కలవరపాటుకు గురి చేస్తోంది.

ఏపీలో 7 షోలకు అనుమతి ఇవ్వగా.. ఇక్కడ మాత్రం ఆ విషయంలో సంగ్ధిగ్ధం కొనసాగుతోంది. తొక్కిసలాట జరిగే అవకాశం ఉందన్న కారణంతోనే తాము పర్మిషన్ నిరాకరించామని టీ పోలీస్ శాఖ చెబుతోంది. రాత్రి 1కి కాకుండా ఉదయం 8 నుంచి షోలను మొదలుపెట్టుకోవాలని సూచించింది. మరోవైపు అధికారులతో మేకర్లు చర్చ జరుపుతున్నట్లు తెలుస్తోంది.

అయితే పోలీసులు మాత్రం అనుమతి నిరాకరించకపోవటానికి వేరే కారణం ఉందన్న టాక్ ఇప్పుడు బయలుదేరింది. ఒకవేళ అజ్నాతవాసికి అనుమతిస్తే.. బాలయ్య జై సింహాకు కూడా అభిమానులు తమపై ఒత్తిడి తెచ్చే అవకాశం ఉందని భావిస్తున్నారు. ఈ నేపథ్యంలో పోలీస్ శాఖ ఎలాంటి నిర్ణయం తీసుకోబోతుందన్నది ఆసక్తికరంగా మారింది.