బాలీవుడ్ లో స్టార్ హీరో సరసన రకుల్

Posted: 01/08/2018 07:44 PM IST

తెలుగులో స్టార్ హీరోయిన్ అనిపించుకున్న రకుల్, తెలుగులో ఆ స్థానాన్ని కాపాడుకుంటూనే తమిళ .. హిందీ భాషల్లో వరుస ఛాన్సులను సొంతం చేసుకుంటోంది. ఇటీవలే తమిళంలో కార్తీతో ఒక సినిమా చేసిన రకుల్, తాజాగా సూర్య సినిమాలోను ఛాన్స్ కొట్టేసింది. సెల్వ రాఘవన్ ఈ సినిమాకి దర్శకత్వం వహిస్తుండగా.. సాయి పల్లవి మరో హీరోయిన్.

ఈ సినిమా తరువాత మళ్లీ ఆమె కార్తీ జోడీ కడుతుండటం విశేషం. ఇక హిందీలో సిద్ధార్థ్ మల్హోత్ర హీరోగా అయ్యారీ సినిమాలో నటిస్తోంది. రిపబ్లిక్ డే కానుకగా ఈ చిత్రం విడుదల కానుంది. ఈలోగానే మరో స్టార్ హీరో చిత్రంలో నటించే అవకాశం కైవసం చేసుకుంది.

ఆమె అక్షయ్ కుమార్ తదుపరి సినిమాలో ఛాన్స్ దక్కించుకున్నట్టుగా సమాచారం. ఇంతకుముందు అసిన్ .. కాజల్ .. శ్రుతిహాసన్ .. తమన్నాలకు అవకాశం ఇచ్చిన అక్షయ్ కుమార్, తాజాగా రకుల్ కి ఛాన్స్ ఇవ్వడం విశేషం. మొత్తానికి మూడు భాషల్లో రకుల్ తన హవా చూపేందుకు యత్నిస్తోంది.