మలేషియాలో నిహారిక మూవీ ఆడియో

Posted: 01/06/2018 05:21 PM IST

మెగా డాటర్ నిహారిక ఒక వైపున కథానాయికగా చేస్తూనే, ఇంకోవైపు వెబ్ సిరీస్ లతో బిజీగా ఉంటోంది. 'ఒక మనసు' తర్వాత తెలుగులో మరో ప్రాజెక్టులో నటిస్తున్న నిహారిక కోలీవుడ్ లో కూడా ఓ సినిమా చేసిన విషయంత తెలిసిందే. 'ఒరు నల్ల నాల్ పాతు సోల్రేమ్' లో గౌతమ్ కార్తీక్(కార్తీక్ తనయుడు) కథానాయకుడిగా నటించిన ఈ సినిమాలో, విజయ్ సేతుపతి కీలకమైన పాత్రను పోషించాడు.

అడ్వెంచర్ కామెడీ డ్రామాగా తెరకెక్కిన ఈ సినిమాకి, ఆర్ముగ కుమార్ దర్శకత్వం వహించాడు. ఈ నెల చివరిలో ఈ సినిమాను విడుదల చేయనున్నారు. దాంతో ప్రమోషన్స్ ను మొదలుపెట్టేశారు. ఈ సినిమా ఆడియో వేడుక ఈ సాయంత్రం 6 గంటల నుంచి మలేసియాలో ఘనంగా మొదలుకానుంది. 'నడిగర సంఘం నైట్ ఇన్ మలేసియా' అనే కార్యక్రమంలో, అదే వేదికపై ఈ సినిమా ఆడియోను రిలీజ్ చేయనున్నారు.

ఫైనల్ గా సినిమాను జనవరి ఎండింగ్ లో రిలీజ్ చేసేందుకు నిర్మాతలు సన్నాహకాలు చేస్తున్నారని సమాచారం. ఈ సినిమాతో తనకు మంచి బ్రేక్ వస్తుందని నిహారిక భావిస్తోంది.

నిహారిక కొణిదెల కోలీవుడ్ టీజర్