బాల్ థాక్రే టీజర్ వచ్చేసింది

Posted: 12/22/2017 06:39 PM IST

మహారాష్ట్రలో కొన్ని లక్షల మంది ప్రజలు ఇలవేల్పుగా కొలిచే బాల్ థాక్రే జీవిత చరిత్ర బయోపిక్ గా వచ్చేస్తోంది. శివసేన నేత సంజయ్ రౌత్ కథను అందించగా.. మరో నేత అభిజిత్ పన్సే దర్శకత్వం వహించిన ఈ చిత్ర టీజర్ గ్రాండ్ గా రిలీజ్ అయ్యింది. అల్లర్ల సమయంలో నెలకొన్న పరిస్థితులు తదితరాలు చూపించారు. ముంబైలోని ఓ వర్గానికి చెందిన ప్రాంతంలో మరొక వర్గం వారు ఓ పెట్రోల్ బాంబు విసురుతారు. ఆ బాంబు ఓ ఏడుస్తున్న పసిపాప వద్ద పేలి అల్లకల్లోలం జరగడంతో ఈ టీజర్ ప్రారంభమవుతుంది.

రెండు వర్గాల ప్రజల మధ్య ఘర్షణలు చెలరేగకుండా పోలీసులు పహారా కాస్తుంటారు. ఆ తర్వాత ఒక గదిలో ఒక ముస్లిం వ్యక్తి నమాజ్ చేసుకుంటూ ఉంటాడు....అదే గదిలో ఓ పక్కన ఠాక్రే కొంతమందితో మంతనాలు జరుపుతుంటాడు. చివరగా.. వేలాది మంది ప్రజల మధ్యలో బాల్ థాక్రే ప్రత్యక్షం అవుతాడు. ఇక లీడ్ పాత్రలో బాలీవుడ్ విలక్షణ నటుడు నవాజుద్దీన్ సిద్ధిఖీ సర్ ప్రైజ్ ఇచ్చాడు. ఈ కార్యక్రమానిక ిఉద్దవ్ థాక్రే, అమితాబ్ బచ్చన్ తదితరులు హాజరయ్యారు.

తన నటనతో ప్రేక్షకులతో పాటు విమర్శకుల ప్రశంసలను అందుకున్నాడు. ఏ పాత్రలోనైనా ఒదిగిపోవడం సిద్దిఖీకి వెన్నతో పెట్టిన విద్య. బాల్ థాక్రే బయోపిక్ అనగానే ఎవరు లీడ్ చేస్తారనే అనుమానాలు తలెత్తాయి. చివరకు టీజర్ లో సిద్ధిఖీని ఆ లుక్కులోనే చూసేసరికి అంతా షాక్ కి గురయ్యారు. ఈ చిత్ర టీజర్ బిగ్ బీ అమితాబ్ బచ్చన్ - శివ సేన చీఫ్ ఉద్ధవ్ ఠాక్రే చేతుల మీదుగా నిన్న విడుదలైంది. జనవరి 23న చిత్రం విడుదల కానుంది.