నితిన్ 25వ చిత్రం.. ఫస్ట్ లుక్ తేదీ వచ్చేసింది

Posted: 12/19/2017 04:14 PM IST

లై తో బొక్క బోర్లా పడ్డ యంగ్ హీరో నితిన్ ప్రస్తుతం రౌడీ ఫెల్లో ఫేమ్ కృష్ణ చైతన్య దర్శకత్వంలో ఓ సినిమా చేస్తున్న విషయం తెలిసిందే. ఈ చిత్రానికి తన ఫేవరెట్.. పవర్ స్టార్ పవన్ కళ్యాణ్ నిర్మాత కావటం ఓ విశేషం అయితే.. త్రివిక్రమ్ కథ సాయం చేయటం మరో విశేషం. ఇవన్నీ ఒక ఎత్తయితే ఇది నితిన్ కు 25వ చిత్రం కావటం మరో ప్రత్యేకత.

ఇన్ని స్పెషాలిటీస్ ఉన్న ఈ చిత్రం చాలా వరకూ చిత్రీకరణను పూర్తి చేసుకుంది. ఈ సినిమాకి 'గుర్తుందా శీతాకాలం' అనే టైటిల్ ను పరిశీలిస్తున్నారు. దాదాపు ఇదే టైటిల్ ను ఖాయం చేయవచ్చనే టాక్ వినిపిస్తోంది. ఇంతవరకూ ఈ సినిమా నుంచి ఫస్టులుక్ ను వదలకపోవడంతో, అభిమానులంతా ఆసక్తిగా ఎదురు చూస్తున్నారు.

ఈ నేపథ్యంలో ఈ సినిమా నుంచి ఫస్టులుక్ ను జనవరి 1వ తేదీన రిలీజ్ చేయనున్నట్టు తెలుస్తోంది. తొలిసారి థమన్ నితిన్ కు సంగీతం అందిస్తున్నాడు. మేఘా ఆకాశ్ కథానాయికగా నటిస్తోన్న ఈ సినిమా ఓ రొమాంటిక్ అండ్ ఫ్యామిలీ ఎంటర్ టైనర్ గా తెరకెక్కుతోందంట.