నితిన్-రానా-నారా రోహిత్ మల్టీస్టారర్?

Posted: 12/07/2017 12:50 PM IST

టాలీవుడ్ లో ఆసక్తికర సబ్జెక్టుతో చిత్రాలను తెరకెక్కిస్తాడన్న పేరును తక్కువ సమయంలోనే సంపాదించుకున్నాడు దర్శకుడు ప్రవీణ్ సత్తారు. గరుడవేగ సక్సెస్ తర్వాత ఆయన రేంజ్ మరింతగా పెరిగిపోయింది. ఈ నేపథ్యంలో తనతో ఓ చిత్రం ఉండబోతుందని హీరో నితిన్ స్వయంగా ప్రకటించినప్పటికీ.. ప్రవీణ్ తర్వాతి చిత్రంపై ఓ కన్ఫూజ్యన్ నెలకొంది.

ఆ మధ్య బ్యాడ్మింటన్ దిగ్గజం గోపీచంద్ బయోపిక్ ను తెరకెక్కించాలనే ప్రయత్నించగా.. అది ఎటువంటి పురోగతి లేకుండా పోయింది. ఈ నేపథ్యంలో ప్రవీణ్ సత్తారు చిత్రం ఎవరితోనన్నది ప్రశ్నార్థకంగా మారిపోయింది.

ఇంతలో ఓ కొత్త అప్ డేట్ అందుతోంది. ముగ్గురు హీరోలతో ప్రవీణ్ సత్తారు ఓ మల్టీస్టారర్ ఫ్లాన్ చేయబోతున్నాడన్న టాక్ వినిపిస్తోంది. నితిన్ రానా ఇప్పటికే హీరోలుగా కన్ఫర్మ్ కాగా, నారా రోహిత్ ను మరో హీరోగా ఖరారు చేసే యోచనలో ఉన్నట్లు తెలుస్తోంది. ఇక ఈ చిత్రానికి త్రీ కజిన్ష్ అనే టైటిల్ ను పరిశీలిస్తున్నట్లు సమాచారం. ఏది ఏమైనా అఫీషియల్ ప్రకటన వచ్చే దాకా ఈ ప్రాజెక్టుపై ఎలాంటి కంక్లూజన్ కి రాకపోవటం విశేషం. ఒకవేళ అదే నిజమైతే మాత్రం వచ్చే ఏడాది ప్రారంభంలోనే ఈ క్రేజీ ప్రాజెక్టు పట్టాలెక్కే అవకాశం ఉంది.