యాంకర్ లవ్ మ్యారేజ్.. ట్వీట్లు వైరల్

Posted: 12/07/2017 12:25 PM IST

కోలీవుడ్ యాంకర్, పాపులర్ వీజే మణిమేఘలై ప్రేమ వివాహం ఇప్పుడు వార్తల్లో హాట్ టాపిక్ గా మారింది. కుటుంబ సభ్యుల సమ్మతి లేకుండానే తానొక ముస్లిం వ్యక్తిని ప్రేమించి, వివాహం చేసుకున్నానని ఆమె చేసిన ట్వీట్లు వైరల్ అవుతున్నాయి. శ్రీరాం జయం, అల్లా అంటూ ఆమె సందేశాలు ఉంచారు.

గత కొంత కాలంగా రహస్యంగా ప్రేమించుకుంటున్న మణిమేఘలై.. చిరకాల స్నేహితుడైన హుస్సేన్ ను నిన్న రిజిస్ట్రర్ వివాహం చేసుకున్నారు. మతాలు వేర్వేరు కావటంతో ఆమె ఇంట్లో వాళ్ల పెళ్లికి ఒప్పుకోలేదు. దీంతో ఇంట్లోంచి వెళ్లిపోయి ఆమె పెళ్లి చేసుకున్నారంట. ఈ విషయాన్ని స్వయంగా ఆమె తన ట్విట్టర్ లో వెల్లడించారు. ఏదో ఒక రోజు తన తండ్రి తమను అర్థం చేసుకుని చేరదీస్తారని ఆశిస్తున్నట్లు ఆమె చెప్పారు.

కాగా, మణిమేఘలై 2010 లో సన్ మ్యూజిక్ లోని సూపర్ హిట్స్ అనే కార్యక్రమం యాంకరింగ్ డెబ్యూ ప్రారంభించారు. ఫ్రాంక సొల్లట్టా కార్యక్రమం ద్వారా ఆమె బాగా పాపులర్ అయ్యారు. సన్, కే టీవీ, సన్ మ్యూజిక్ లో ఏకకాలంలో ఆమె యాంకరింగ్ చేశారు. పెద్దలకు వ్యతిరేకంగా ఆమె చేసిన పనిని సోషల్ మీడియాలో చాలా మంది వ్యతిరేకిస్తున్నారు కూడా.

Hussain & Me
Got Married Today
Sudden Register Marriage.
Failed to convince my Dad, went out of Hands, hence this decision. I strongly believe that he ll understand me 1 day.

LOVE HAS NO RELIGION
I Love You Hussain
Sri Rama Jayam
Allah pic.twitter.com/qta8meT5nm
— MANIMEGALAI (@iamManimegalai) December 6, 2017