ఆది కొత్త చిత్రం తాప్సీ హీరోయిన్!

Posted: 12/04/2017 04:18 PM IST

కొంత కాలం క్రితం నటుడు ఆదిపినిశెట్టి, నటి తాప్సీ పన్ను ల మధ్య ఏదో వ్యవహారం నడుస్తుందంటూ ఓ వార్త వచ్చిన విషయం తెలిసిందే. గుండెల్లో గోదారి చిత్ర సమయంలో వారిద్దరి మధ్య రొమాన్స్ ఆధారంగా ఆ కథనాలు పుట్టాయి.

అయితే తాము జస్ట్ ఫ్రెండ్స్ మేనంటూ ఆది తర్వాత వివరణ ఇచ్చుకున్నాడు. ఏది ఏమైనా చాలా కాలం గ్యాప్ తర్వాత వీరిద్దరూ మళ్లీ ఓ చిత్రంలో నటించబోతున్నారు. హరి దర్శకత్వంలో ఆది హీరోగా ఓ చిత్రం ప్రారంభం కాబోతుంది.

ఎంవీవీ సత్యనారాయణ ఈ చిత్రానికి నిర్మాతగా వ్యవహరించబోతుండగా.. కొన వెంకట్ బ్యానర్ కొన ఫిల్మ్ కార్పొరేషన్ పై ఈ చిత్రం తెరకెక్కబోతోంది. డిసెంబర్ 21న చిత్రం ముహుర్తం షాట్ తో ప్రారంభం కాబోతోంది. హైదరాబాద్, వైజాగ్, విజయవాడలో ఈ చిత్ర షూటింగ్ చేసేందుకు ఫ్లాన్ చేస్తున్నారు. కంప్లీట్ యాక్షన్ ఎంటర్ టైనర్ గానే ఈ చిత్రం ఉండబోతోందని సమాచారం.