రజనీ కాలా రిలీజ్ డేట్ వచ్చేసింది

Posted: 12/02/2017 04:55 PM IST

రజనీ - శంకర్ కాంబినేషన్లో రూపొందిన '2.0' జనవరి 25న విడుదల చేయాలనుకున్నారు. కానీ కొన్ని కారణాల వలన వేసవికి వాయిదా పడింది. ఏప్రిల్ 13న విడుదల చేసేందుకు సన్నాహాలు చేస్తున్నట్లు తెలుస్తోంది. దీంతో తలైవా ఫ్యాన్స్ లో తీవ్ర నిరాశ నెలకొంది. ఈ నేపథ్యంలో వారి కోసం ఓ గుడ్ న్యూస్.

పా రంజిత్ డైరెక్షన్ లో సూపర్ స్టార్ హీరోగా 'కాలా' సినిమా రూపొందుతోంది. హ్యూమా ఖురేషి కథానాయికగా నటిస్తోన్న ఈ సినిమాపై, అందరిలోను ఆసక్తి వుంది. పవర్ ఫుల్ డాన్ గా రజనీకాంత్ కనిపించనున్న ఈ సినిమాను ఆగస్టు 15వ తేదీన విడుదల చేయాలని దర్శకనిర్మాతలు నిర్ణయించుకున్నారనేది తాజా సమాచారం.

రజనీకాంత్ .. రంజిత్ కాంబినేషన్లో వచ్చిన 'కబాలి' భారీ వసూళ్లను సాధించింది. ఈ సినిమాలో రజనీని కొత్తగా చూపించి రంజిత్ మంచి మార్కులు కొట్టేశాడు. దాంతో ఆ తరువాత సినిమాను కూడా రజనీతోనే చేసే ఛాన్స్ కొట్టేశాడు. ఈ చిత్రానికి రజనీ అల్లుడు ధనుష్ నిర్మాతగా వ్యవహరిస్తున్న విషయం తెలిసిందే.  కాలా రిలీజ్ దాదాపు ఖరారు కావటంతో ఇక మిగిలింది అధికారిక ప్రకటనే.

రజనీ కాలా జీపుపై వాళ్ల కన్ను