గీతా ఆర్ట్స్ బ్యానర్ లోనే బొమ్మరిల్లు దర్శకుడు

Posted: 11/28/2017 10:13 AM IST

బొమ్మరిల్లు లాంటి క్లీన్ ఫ్యామిలీ ఎంటర్ టైనర్ తో ఇండస్ట్రీలో అడుగుపెట్టిన దర్శకుడు భాస్కర్ తర్వాత కెరీర్ అంతా వరుస ఫ్లాపులతోనే సాగింది. 11 ఏళ్ల కెరీర్ లో కేవలం 5 అంటే ఐదే చిత్రాలు తీసిన ఈ డైరెక్టర్ పరుగు తర్వాత ఆరెంజ్, ఒంగోలుగిత్త, బెంగళూర్ నాట్కల్(తమిళ్) వరుస డిజాస్టర్లు చవిచూడటంతో అతని పని అయిపోయినట్లేనని అంతా అనుకున్నార

అయితే అనూహ్యంగా వెంకీ-విజయదేవరకొండ మల్టీస్టారర్ చిత్రాన్ని తెరపైకి తెచ్చి అంతా ఆశ్చర్యపోయేలా చేశాడు. అయితే ఏం జరిగిందో తెలీదుగానీ ఆ ప్రాజెక్టు ఇప్పుడు చాలా ఆలస్యం అయ్యేలా కనిపిస్తోంది. దీంతో ప్రత్యామ్నాయం వెతుక్కునే పనిలో పడ్డాడీ డైరెక్టర్. అయితే టాలీవుడ్ అగ్ర నిర్మాత అల్లు అరవింద్ ప్రోత్సహాంతో మరో ఛాన్స్ దక్కించుకున్నట్లు సమాచారం.

గీతా ఆర్ట్స్ బ్యానర్ లోనే అల్లు శిరీశ్ హీరోగా ఈ చిత్రం తెరకెక్కే అవకాశాలు స్పష్టంగా కనిపిస్తున్నాయి. ఒక కంప్లీట్ లవ్ అండ్ ఫ్యామిలీ కథగా ఇది తెరకెక్కబోతుందని చెబుతున్నారు. అధికారిక ప్రకటన త్వరలో వచ్చే అవకాశం ఉంది. మరి ఈ చిత్రం ఆ దర్శకుడికి కమ్ బ్యాక్ అవుతుందా? లేక సీనియర్ల మాదిరిగా బెడిసి కొడుతుందా? చూడాలి.