రంగస్థలం మిగిలింది ఇక అంతే

Posted: 11/16/2017 11:34 AM IST

మెగా పవర్ స్టార్ రామ్ చరణ్ ప్రస్తుతం రంగస్థలం 1985 పైనే పూర్తి దృష్టిసారించాడు. లెక్కల మాష్టార్ డైరెక్షన్ తెరకెక్కుతున్న ఈ చిత్రం షూటింగ్ దాదాపు ముగింపు దశకు చేరుకుంది. ఈ నేపథ్యంలో ఈ చిత్రంలోని కొన్ని రషెస్ ను మెగాస్టార్ చిరంజీవి, దర్శకధీరుడు రాజమౌళికి సుకుమార్ చూపించాడంట.

అవి చూసిన తర్వాత ఈ చిత్రం ఓ క్లాసిక్ గా నిలిచిపోతుందని వారిద్దరూ ప్రశంసలు కురిపించినట్లు సమాచారం. చిత్రం క్వాలీటీ మరియు అందులోని కంటెంట్ పట్ల కూడా వారు ఎంతో ఆకర్షితులైనట్లు సమాచారం. ప్రస్తుతం ఈ చిత్రం కోసం నాలుగు పాటలు, కొన్ని కీలక సన్నివేశాలు మాత్రమే బ్యాలెన్స్ గా మిగిలాయి.

డిసెంబర్ కల్లా చిత్ర షూటింగ్ అయిపోగొట్టి నిదానంగా కార్యక్రమాలు పూర్తి చేసి.. మార్చి 27న  సినిమాను రిలీజ్ చేసేందుకు సన్నాహాలు చేస్తున్నారు. మైత్రి మూవీస్ నిర్మిస్తున్న ఈ చిత్రంలో సమంత హీరోయిన్ గా నటిస్తుండగా, అనసూయ ఓ కీలక పాత్రలో, పూజా హెగ్డే ఐటెం సాంగ్ లో కనిపించనున్నారు.