మళ్లీ దీపికతో బన్సాలీ ప్రేమ కథ

Posted: 11/03/2017 06:47 PM IST

ఒక దర్శకుడు ఒక హీరోయిన్ ను పదే పదే తీసుకోవటం అంటే మాములు విషయం కాదు. పరమ రోటీన్ అంటూ చూసే జనాలు కూడా మొహం ఒత్తే అవకాశాలు ఉంటాయి. కానీ, బాలీవుడ్ భారీ చిత్రాల దర్శకుడు సంజయ్ లీలా బన్సాలీ మాత్రం అలా కాదు.

తన తదుపరి చిత్రంలోనూ దీపికా ప‌దుకునే ను తీసేసుకున్నాడు. గోలియోంకా రామ్ లీల, బాజీ రావ్ మస్తానీ, పద్మావతి హ్యాట్రిక్ గా ఆమెను తీసుకున్న విషయం తెలిసిందే. తర్వాత తీయబోయే ఓ లవ్ స్టోరీ కోసం కూడా ఆమెనే తీసేసుకున్నాడు. క‌వి సాహిర్ లూధియాన్వీ క‌వయిత్రి అమృతా ప్రీత‌మ్‌ ప్రేమగాథను బన్సాలీ తర్వాత తీయబోతున్నాడు. అమృతా రోల్ లో దీపికా, సాహిర్ పాత్ర‌లో అభిషేక్ బ‌చ్చ‌న్ క‌నిపించ‌నున్నారు.

1944లోనే ప్రీత‌మ్ సింగ్‌ను పెళ్లి చేసుకున్న అమృత‌, త‌ర్వాత అనుకోకుండా క‌లిసిన సాహిర్‌తో ప్రేమ‌లో ప‌డింది. ఉత్త‌రాల ద్వారా కొంత‌కాలం వీరి ప్రేమ‌క‌థ కొన‌సాగింది. అయితే ఒక‌రితో ఒక‌రు త‌మ ప్రేమ గురించి చెప్పుకోలేదు. త‌ర్వాత 'ర‌సిదీ టికెట్‌' పుస్త‌కంలో తాము రాసుకున్న ఉత్త‌రాల గురించి, సాహిర్ మీద త‌న‌కున్న ప్రేమ గురించి అమృతా ప్రీత‌మ్ ప్ర‌స్తావించింది. సాహిర్ కూడా అత‌ని త‌ల్లితో అమృతాతో ప్రేమ విష‌యం గురించి మాట్లాడిన‌ట్లు అప్ప‌ట్లో వార్తలు వ‌చ్చాయి. 1960లో ప్రీత‌మ్‌తో బంధాన్ని అమృత తెంచుకుంది. అలాగే సాహిర్ కూడా గాయ‌ని సుధా మ‌ల్హోత్రా ప్రేమ‌లో ప‌డ‌టంతో అత‌నితో సంబంధానికి కూడా అమృత చెక్ పెట్టింది. త‌ర్వాత చిత్ర‌కారుడు ఇమ్రోజ్‌తో బంధాన్ని ఏర్ప‌రుచుకుంది. ఈ ఇతివృత్తాలతోనే చిత్రం రూపుదిద్దుకోనుందన్న మాట.