మెర్సల్ డబుల్ సెంచరీ కలెక్షన్లు

Posted: 11/02/2017 06:17 PM IST

కోలీవుడ్ లో దీపావళితో మొదలైన 'మెర్సల్' పండగ వసూళ్ల సునామీ సృష్టిస్తోంది. తొలి రోజు నుంచే భారీ వసూళ్లను సాధిస్తూ దూసుకుపోతోంది. తమిళనాడులోనే కాకుండా ఓవర్సీస్ లోను ఈ సినిమా వసూళ్ల పరంగా దుమ్మురేపేస్తోంది. కేవలం ఓవర్సీస్ లో(12 రోజుల్లో) ఈ సినిమా 72 కోట్లు వసూలు చేయడం విశేషం.

ముఖ్యంగా ఫ్రాన్స్ , మలేసియాల్లోను ఈ సినిమా భారీ వసూళ్లు రాబడుతోంది. ఫ్రాన్స్ లో అత్యధిక వసూళ్లు సాధించిన భారతీయ చిత్రాల్లో మొదటిస్థానంలో 'కబాలి' .. రెండవ స్థానంలో 'బాహుబలి' ఉండగా, మూడవస్థానంలో 'మెర్సల్' నిలిచింది. ఫ్రాన్స్ లో 10కే క్లబ్ లో చేరిన ఈ సినిమా, మలేసియాలో 17 కోట్లు రాబట్టింది. అక్కడ అత్యధిక వసూళ్లను సాధించిన మొదటి తమిళ చిత్రంగా 'కబాలి' ఉండగా .. రెండవ తమిళ చిత్రంగా 'మెర్సల్' నిలిచింది.

ఇక దేశవ్యాప్తంగా ఈ సినిమా 139.52 కోట్ల గ్రాస్ ను వసూలు చేయగా, ప్రపంచవ్యాప్తంగా 211.44 కోట్ల గ్రాస్ ను వసూలు చేసింది. మొత్తానికి రాజమౌళి తండ్రి విజయేంద్ర ప్రసాద్ అందించిన ఈ రివెంజ్ డ్రామాకి ముగ్గురు విజయ్ ల యాక్టింగ్ ఆకర్షణగా నిలవటంతో మెర్సల్ వసూళ్లకు అడ్డుకట్టపడటం లేదు.