మూడు రోజుల్లో మెర్సల్ వంద కోట్లు

Posted: 10/21/2017 05:18 PM IST

వివాదాల నడుమే విజయ్ తాజా చిత్రం మెర్సల్ కలెక్షన్లు కుమ్మకుంటోంది. విడుదలైన రోజు నుంచి వసూళ్ల పరంగా ఈ సినిమా దుమ్మురేపేస్తోంది. దేశవ్యాప్తంగా 4500 థియేటర్స్ లో విడుదలైన ఈ సినిమా, తొలి రోజున 43.3 కోట్లను వసూలు చేసింది.

రెండవ రోజున 70 కోట్లను రాబట్టింది. ఇక 3వ రోజైన శనివారంతో ఈ సినిమా 100 కోట్ల క్లబ్ లోకి చేరిపోవచ్చని ట్రేడ్ పండితులు చెబుతున్నారు. వసూళ్ల పరంగా ఇప్పటికే 'కబాలి' .. ' వివేగం' రికార్డులను ఈ సినిమా అధిగమించిందని అంటున్నారు. విడుదలైన ప్రతి ప్రాంతంలో ఇదేలా వసూళ్ల జోరు కొనసాగితే, ఈ సినిమా 150 కోట్ల మార్క్ ను చేరుకోవడం ఖాయమనే అభిప్రాయాలు వ్యక్తమవుతున్నాయి.

120 కోట్ల బడ్జెట్ తో రూపొందిన ఈ సినిమాలో విజయ్ మూడు పాత్రలను పోషించగా, కాజల్ .. సమంతా .. నిత్యామీనన్ కథానాయికలుగా నటించారు. మరోపక్క డైలాగులపై బీజేపీ సీరియస్ కాగా, కమల్, డీఎంకే పార్టీ, కాంగ్రెస్ లు విజయ్ సినిమాకు మద్ధతుగా నిలుస్తున్నాయి.