బాలకృష్ణపై హైకోర్టులో పిటిషన్‌ దాఖలు

Posted: 08/30/2017 02:51 PM IST

టాలీవుడ్ అగ్రనటుడు, ఎమ్మెల్యే బాలకృష్ణకు కోర్టు చిక్కులు తప్పేలా కనిపించటం లేదు. తెలుగు దేశం ఎమ్మెల్యేగా ఉన్న ఆయన నంద్యాల ఉప ఎన్నిక సందర్భంగా డబ్బులు పంచారన్న ఆరోపణలు వినిపించిన విషయం తెలిసిందే.

ఓ కార్యకర్తకు 100 నోటును ఇస్తున్నట్లు ఫోటో రాజకీయ ప్రత్యర్థి వైఎస్సార్సీపీకి చిక్కటంతో ఏకీపడేసింది కూడా. ఇప్పుడు ఆ పార్టీ జనరల్ సెక్రటరీ కే శివ కుమార్ హైకోర్టులో ఓ పిటిషన్ దాఖలు చేశాడు. బాలయ్య ఓటర్లను ప్రలోభపెట్టాడంటూ ఆయన తరపు న్యాయవాది వాదనలు వినిపించారు. ఈ విషయంలో ఎన్నికల సంఘానికి ఫిర్యాదు చేసిన పట్టించుకోలేదని న్యాయస్థానానికి తెలిపారు.

ఈ విషయంలో ఈసీ హిందుపురం ఎమ్మెల్యేపై చర్యలు తీసుకునేలా ఆదేశించాలని న్యాయమూర్తిని శివ కోరారు. ప్రజా ప్రతినిధుల చట్టం, ఐపీసీ సెక్షన్ల కింద బాలయ్యపై చర్యలు తీసుకోవాల్సిందిగా శివ కోరారు.