జై లవకుశ ప్రీ రిలీజ్ పంక్షన్ ఫిక్స్

Posted: 08/30/2017 03:47 PM IST

యంగ్ టైగర్ ఎన్టీఆర్ జై లవకుశ పాటలు నేరుగా మార్కెట్ లోకి రిలీజ్ కానున్నాయి. ఈ చిత్రానికి ఆడియో పంక్షన్ సెప్టెంబర్ 3న ఉంటుందని ఇది వరకే చెప్పుకున్నాం. అయితే ఇప్పుడు అలాంటిదేం లేదని నిర్మాణ సంస్థ నందమూరి ఆర్ట్స్ తన ట్విట్టర్ పేజీలో తెలియజేసింది.

ఆ తేదీనే ఆడియో వేడుక నిర్వహించాలని అనుకున్నాం. కానీ, భారీ వర్షాలు, వినాయక నిమజ్జనం వరుసగా ఉన్నాయి. ఇలాంటి సమయంలో ప్రేక్షకులను ఇబ్బందికి గురిచేయటం సరైంది కాదు. అందుకే అదే తేదీన పాటలను నేరుగా మార్కెట్ లోకి విడుదల చేస్తున్నాం అంటూ ట్వీట్లు చేసింది.

ఇక అభిమానుల కోసం ఆ మరుసటి వారం అంటే సెప్టెంబర్ 10న హైదరాబాద్ లో గ్రాండ్ గా ప్రీ రిలీజ్ వేడుకను నిర్వహించనున్నట్లు తెలిపింది. త్వరలో కుశ టీజర్ ను రిలీజ్ చేసి ప్రీ రీలీజ్ పంక్షన్ లో ట్రైలర్ ను విడుదల చేయనున్నారు. సెప్టెంబర్ 21న జై లవకుశ వరల్డ్ వైడ్ గా గ్రాండ్ గా రిలీజ్ కానుంది.