సంజయ్ దత్ వంచకుడేనన్న రణబీర్ కపూర్

Posted: 08/10/2017 05:05 PM IST

ప్రముఖ బాలీవుడ్ నటుడు సంజయ్ దత్ ను రణ్ బీర్ కపూర్ వంచకుడని సంబోధించడం బాలీవుడ్ లో కలకలం రేపుతోంది. సంజయ్ దత్ జీవితాన్ని ఇతివృతంగా చేసుకుని తీస్తున్న చిత్రానికి సంబంధించిన సంజయ్ దత్ పాత్రను పోషిస్తున్న రణ్ బీర్ కపూర్.. సంజయ్ దత్ అంత నిజాయతీగా ఉండడం చాలామందికి సాధ్యం కాదని అన్నాడు. సంజు సార్ ను అభిమానించే వారున్నారు, అలాగే ద్వేషించే వారు కూడా ఉన్నారని అన్నారు. అయితే ఈ సినిమా గురించి అడగ్గానే సంజు సార్ నిజాయతీగా తన జీవితంలో చోటుచేసుకున్న ఘటనలను వివరించారని చెప్పాడు. ఆయన నిజంగా చాలా గ్రేట్ అని అన్నాడు.

తాను అంత నిజాయతీగా ఉండే వాడిని కాదని చెప్పాడు. తాను కానీ తనలాంటి ఎంతోమంది యువ నటులు కానీ ఎంత కష్టపడినా ఆయనలా కాలేమని అన్నారు. సంజు సార్ తనకు చాలా బాగా తెలుసని, ఆయనను తాను చిన్నతనం నుంచి చూస్తున్నానని చెప్పారు. ఇది నిజంగా ఆయన జీవితానికి సంబంధంచిన చిత్రం కాదని, ఇదోక సైంటిఫిక్ ఫిక్షన్ చిత్రమని తెలిపాడు. ఒక మనిషి ఇలా తన జీవితంలోని అన్ని కోణాలను చిత్రం ద్వారా చూసిన తరువాత ఇది ఫిక్షన్ చిత్రమనే అంటానని రణ్ బీర్ కపూర్ అన్నారు. ఆయన నిజజీవితం నుంచి ప్రేక్షకులకు ఎంతో కొంత మంచి చేరుతుందని ఆశాభావంతోనే ఆయన తన జీవితంలోని ఘటనలను చెప్పాడని అన్నారు.

ఈ సినిమాలో నిజాలను నిక్కచ్చిగా చూపిస్తున్నామని రణ్ బీర్ చెప్పాడు. దీంతో సంజయ్ సార్ జీవితంలో చోటుచేసుకున్న ఎన్నో వివాదాస్పద అంశాలతో పాటు, తాను సాగించిన ప్రేమాయణాలను కూడా చూపించే అవకాశం ఉందని చెబుతున్నాడు. తామేమీ గాంధీ బయోపిక్ తీయడం లేదని, ఒక ఫ్రాడ్ (వంచకుడి) కథను తెరకెక్కిస్తున్నామని అన్నాడు. అయితే ఆయనను వంచకుడిగా మార్చిన వంచకుల నిజాలు కూడా బహిర్గతం అవుతాయని చెప్పారు. కాగా, ఈ సినిమాలో సంజయ్ దత్ పాత్రలో రణ్ బీర్ కపూర్ నటిస్తుండగా, దీనికి సంజయ్ దత్ స్నేహితుడు రాజ్ కుమార్ హిరానీ దర్శకత్వం వహిస్తున్నాడు.