బాలీవుడ్ సింగర్ కు రేప్ బెదిరింపులు.. అరెస్ట్

Posted: 07/27/2017 12:25 PM IST

బాలీవుడ్ నటి కమ్ సింగర్ సుచిత్రా కృష్ణమూర్తి పోలీసులను ఆశ్రయించింది. రేప్ చేస్తామంటూ అసభ్యపదజాలంతో ఆమెను కొందరు బెదిరించటంతో బుధవారం ఆమె ఫిర్యాదు చేసింది. ముస్లింలు చేసుకునే 'ఆజాన్' గురించి కామెంట్ చేసిన అనంతరం ఈ పాపులర్ సింగర్ కు తీవ్రస్థాయిలో బెదిరింపులు వస్తున్నాయి.

దేవుడు ఉన్నాడంటూ పెద్ద పెద్ద మైక్ లు పెట్టి చెప్పాల్సిన అవసరం లేదంటు ఆమె చేసిన ట్వీట్ తీవ్ర దుమారమే రేపిన విషయం తెలిసిందే. రాజకీయంగా కూడా ఆమె పలు విమర్శలు వచ్చాయి. ఈ నేపథ్యంలో ఆమె ట్విట్టర్ లో అభినందనలతోపాటు తిట్ట పురాణం కూడా వచ్చి చేరుతోంది. ఆమెను లైంగికంగా కించపరిచేలా కొందరు సోషల్ మీడియాలో పోస్టులు చేస్తూ.. రేప్ చేస్తామంటూ బెదిరిస్తున్నారంట. ఈ నేపథ్యంలో సుచిత్ర ఓషీవర పోలీసులను ఆశ్రయించింది. దీంతో నలుగురు నలుగురు వ్యక్తులపై పోలీసులు కేసు నమోదు చేశారు.

Look at these perverts! Feel sorry for my India -with this kind of attitude towards women its no wonder we've become rape capital of d world pic.twitter.com/Hteg0IXRM8

— Suchitra (@suchitrak) July 25, 2017

'ఈ వికృతమైన వ్యక్తులను చూడండి. నా దేశాన్ని చూస్తుంటేనే జాలి వేస్తోంది. మహిళల పట్ల ఇంత దారుణమైన దృక్పథం ఉన్నప్పుడు... ప్రపంచ రేప్ రాజధానిగా మన దేశం ఉండటంలో ఆశ్చర్యం లేదు' అంటూ వ్యాఖ్యానిస్తూ వాళ్లు చేసిన కామెంట్లను స్క్రీన్ షాట్స్ తీసి పోస్ట్ చేసింది. తాను బ్రహ్మ ముహుర్తంలోనే లేచి అన్ని పనులు చేసుకుంటానని, చెవులు చిల్లులు పడేలా పిలుపు ఇవ్వటం అవసరం లేదని ట్వీట్ చేసిన సుచిత్ర, తీవ్రవిమర్శలు రావటంతో తాను ఆజాన్ కు గౌరవమిస్తానంటూ పేర్కొనటం విశేషం.