తప్పతాగి రౌడీయిజం.. ఫిష్ వెంకట్ పై కేసు

Posted: 07/12/2017 04:28 PM IST

తనదైన మార్క్ డైలాగులతో ప్రేక్షకులను నవ్వించే క్యారెక్టర్ ఆర్టిస్ట్ ఫిష్ వెంకట్ వార్తల్లో నిలిచాడు. విలన్ వేషాలతోపాటు కామెడీ టైమింగ్ తో మెప్పించే ఈ నటుడు బయటకూడా అలాంటి వ్యవహారంతోనే బుక్కయ్యాడు. ఓ ఫ్యామిలీని బెదిరించిన కేసులో కొత్తగూడెం పోలీసులు అతడిపై కేసు నమోదు చేశారు.

నటుడు వెంకట్‌కు ఒక కూతురు, ఇద్దరు కుమారులు ఉన్నారు. ఓ కూతురును కొత్తగూడెంలోని ఏ పవర్‌హౌజ్‌ బస్తీకి చెందిన మెడికల్‌షాపు లో పనిచేసే వ్యక్తికి ఇచ్చి వివాహం జరిపించాడు. మధ్య మధ్యలో ఆమె ఇంటికి వెళ్లి వస్తుంటాడు కూడా. గత నెల 30వ తేదీన అర్ధరాత్రి మద్యంతాగి వచ్చి కూతురి పక్కింట్లో ఉండే వేముల ప్రసాద్ తో గొడవ పడ్డాడు. దీంతో పోలీసులు సర్దిచెప్పి పంపించారు. మళ్లీ వారం తర్వాత ఇలాగే గొడవకు దిగగా, ఈసారి కూడా పోలీసులు ఇరు పక్షాలను సముదాయించారు, వెంకట్ కు వార్నింగ్ ఇచ్చారు.

అయినా వెంకట్ తీరు మారలేదు. మూడు రోజలు క్రితం పది మందిని వెంటేసుకుని వేముల ప్రసాద్ తోపాటు కుటుంబ సభ్యులు ఉపేంద్ర, రాజేశ్ లపై దాడి చేయబోయాడు. దీంతో బాధితులు మళ్లీ పోలీసులకు ఆశ్రయించగా, నటుడిపై కేసు నమోదు చేశారు. వెంకట్ ప్రవర్తన తరచూ ఇలాగే ఉంటుందని, గతంలోనూ చుట్టుపక్కల వాళ్లతోనూ దురుసుగా ప్రవర్తించేవాడని స్థానికులు చెబుతున్నారు.