జక్కన్న కోసం బన్నీ మాస్టర్ ఫ్లాన్, ఎలాగంటే...

Posted: 07/11/2017 04:47 PM IST

తన తర్వాతి సినిమా విషయంలో దర్శకధీరుడు రాజమౌళి ఎలాంటి క్లారిటీ ఇప్పటిదాకా ఇవ్వలేదు. ఓ సాదాసీదా కమర్షియల్ ఎలిమెంట్స్ చిత్రంతోనే మన ముందుకు రాబోతున్నాడని ఇప్పటికే ఓ ప్రకటన చేసినప్పటికీ, అది ఎలాంటి జోనర్ మూవీయో తేల్చి చెప్పలేదు. అందుకే స్టార్ హీరోలు సైతం ఆ లిస్ట్ లో తమ పేరు ఉండాలనే కోరుకుంటున్నారు. ఇంకోవైపు బాలీవుడ్ కూడా జక్కన్నపై ఓ కన్నేసి ఉంచింది.

ఇదిలా ఉంటే ఆ మధ్య ఎన్టీఆర్, మహేష్ బాబుల పేర్లు రేసులో వినిపించగా, ఇప్పుడు మరో స్టార్ హీరో పేరు లైన్ లో వచ్చి చేరింది. స్టైలిష్ స్టార్ అల్లు అర్జున్ కూడా రాజమౌళితో సినిమా తీయాలనే ఎదురు చూస్తున్నాడంట. ఈ విషయంలో రాజమౌళిపై ఒత్తిడి తెచ్చే యత్నాలు కూడా మొదలుపెట్టాడన్న ఓ వార్త వినిపిస్తోంది.గతంలో చేసుకున్న ఒప్పందం ప్రకారం సినిమా ఏదైనా సరే నిర్మాత మాత్రం డీవీవీ దానయ్యే అన్న విషయంపై ఓ క్లారిటీ వచ్చేసింది. దానయ్య అల్లువారికి మంచి సన్నిహితుడు కావటంతో ఆ దిశగా యత్నాలు మొదలుపెట్టాడనే టాక్.

కానీ, దీనిపై రాజమౌళి ఇంత వరకు ఎలాంటి అభిప్రాయం వ్యక్తం చేయలేదంట. ముందు స్క్రిప్ట్ వర్క్ అయ్యాకే తారాగణం ఎంపిక చేపడదామని మేకర్లతో ఈ స్టార్ దర్శకుడు చెప్పినట్లు తెలుస్తోంది. ఇంకోపక్క అది ఖచ్ఛితంగా ఓ మల్టీ స్టారర్ మూవీయేనని, ఓ బాలీవుడ్ స్టార్ కూడా అందులో యాక్ట్ చేస్తాడని మరో పుకారు వినిపిస్తోంది.